4061/2023-2024

Khawzawl 6th. March, 2024 : UD & PA Department, Khawzawl chuan DAY-NULM hnuaiah vawiin atangin Khawzawl thalaite tan Free Skill Training an buatsaih.

Vawiin chawhma dar 11:00 khan khawzawl Zuchhip YMA Hall-ah Training hawnna hun hi hman niin Khawzawl DUDO Pu Vabeimozachhi Chozah Chozah chuan Training hi a hawng a. Pu Vabeimozachhi chuan DAY-NULM hnuaiah Khawzawl District thalaite tan tan Training chi 4 - Assistant Electrician, Tailoring, Baking leh General Duty Assistant course te a thlawn a zir tura buatsaih a ni leh ta chu lawmawm a tih thu leh hei hian Khawzawl thalaite tan eizawnna kawngah hun tha a siamsak a beisei tih a sawi a. Tunlaiah Sawrkar hna thalaiten an indaih tawh loh thu leh hei vang hian mahni ke a ding theih a pawimawh tih a sawi a, mahni ke a ding thei tur leh mahni intodelh thei turin an thil zir turah thiamna taktak nei turin a fuih a ni.

Assistant Electrician, Tailoring, Baking leh General Duty Assistant Course Training neih turah hian Training Course tin hi mi 30 zelin an zir dawn a, thla 3 chhung an zir dawn a ni.