Vawiin chawhma khan ICT Department Secretary Pu C. Lalhmachhuana kaihhruaiin NLUP Conference Hall-ah ‘Regional Workshop on Aadhar Seedings & Authentication for Delivery of Services’ neih a ni.

Workshop hi Department of Electronics & Information Technology, Ministry of Communications & IT, Govt. of India leh ICT Department, Govt. of Mizoram tangkawp in an buatsaih a ni a. Pu C. Lalhmachhuana’n Mizoram-ah chuan Aadhar enrolment hi kalpui mek zel anih avangin tum anga hman theih a la nih loh thu sawiin workshop chu tangkai thei ang bera chhawr turin a ngen a ni.

UIDAI Regional Office, Guwahati a Assistant Director General, Pu Piyush Chetiya, ITS chuan hetiang workshop hi hmarchhak State khawpuiah an lo neih tawh thin thu sawiin, workshop hi district level-a kalpui thuai an tum thu a sawi bawk. 2011 Census atanga chhut in Mizoram-ah za zela mi 43.33% in dilna thehlutin mi 39.95% hnenah Aadhar number pek tawh an ni a, Aizawl bikah chuan mi 50.91% hnenah Aadhar number pek an nih tawh thu sawiin India ramah chuan mi vaibelchhia 97 hnenah pek an nih tawh thu a tarlang bawk.

Manager-IEC Campaign Implementation (PMU), Pu Mitun Chakraborty chuan workshop-ah hian ‘Aadhar Seeding’ chungchang a zirtir a. Zawhnate chhangin lokal te nen sawihona hun tha tak an hmang a ni.

Pu Chetiya hi Assistant Director General Pu B.K. Behara’n a rawn tawiawm a. State sawrkar atangin ICT, R.D., NIC, UD&PA, IF&SL, Planning, Food Civil Supplies & Consumer Affairs, leh Social Welfare Department bakah Electronics Corporation of India Limited atangin an tel a ni.