Nimin Dt 15.2.2016 khan Social Welfare Minister Pu PC Lalthanliana chuan Lawngtlai khaw kiang Mampui khuaa AH & Vety Farm a Chicken Hatchery siam thar tur a tlawh a, Minister of State for AH & Vety Pu C. Ngunlianchunga’n Pu PC Lalthanliana hi tawiawm in hna tan a nih thuai theih dan Farm enkawltute an sawipui.

Pu PC Lalthanliana chuan, Ar note phai lam atangin kan chawklut nasa thin a, chhim lama chengte tan phei chuan ar note hmuh a harsa thin hle a ni. Chutihlaiin kum telin kan mamawh a pung ve zel si a, kan mamawh keimahni ngeiin kan tharchhuah ve theih nan ti hian sawrkar chuan hma a la ta a ni, a ti. Hna hi tan nghal mai tur a ni tawh a, reiloteah Lawngtlaiah ngei Arnote lei tur a awm thuai kan beisei tlat dawn a ni, a ti bawk.

Central sawrkar in Grant Under Article 275(1) atanga Mizoram tana tanpuina a pek hmangin Nodal Department, Social Welfare chuan AH & Vety Department enkawl, Mampui hmuna Ar awpkeuna hmunpui siam na tur atan Rs 125 Lakhs a ruahman a, a sak dan tur ruangam leh a hmun turre enfiahin Minister hian a tlawh a ni.

He hmun tharah hian Hatchery Building pakhat, Brooder House pahnih, Poultry House pakhat, Godown pakhat, Quarters pakhat, Sell Boot cum Office pakhat leh tui supply te bakah Fencing te siam an ni ang.

Minister in Mampui Farm a tlawhnaah hian Pu C. Ngunlianchunga bakah Bawrhsap Pu J. Hmingthanmawia, LADC CEM Pu VL Hmuaka, Lawngtlai DHO Pu L. Lalhmingmawia Pachuau leh Official dangten an tawimawm a ni.