Vawiin khan State Institute of Rural Development & Panchayati Raj (SIRD &PR), Mizoram buatsaihin an Conference Hall-II ah “One Day Orientation Course on Gram Panchayat Development Plan (GPDP) under Mission Antyodaya” neih a ni a, Pu Lalhmingthanga, Secretary, Rural Development chuan a hawng.

Pu Lalhmingthanga chuan Mission Antyodaya hi India hnam Pa Mahatma Gandhi piancham kum 150-na, kum 2019 2^nd October hma a mirethei ber berte an retheih lutukna atanga khaichhuah hi a tum a ni a, rethei bik lutuk awm lova intluk tlang taka mi zawng zawng kan awm theihna tur a hmalakna tur a nih thu a sawi a. Scheme hi Rural Development hmalakna nimahse, Department hrang hrang te thawhhona avang chauha hlawhtling thei tur a nih thu a sawi bawk.

Mission Antyodaya hnuaiah hian Mizorama khaw 183 thlan a ni a. He scheme thil tum pawimawh tak pakhat Gram Samridhi Evam Swachchata Pakhwada (Village well-being and cleanliness forthnight) October 1- 15, 2017 chhung hian hman a ni dawn a ni.

Vawiin hun hi Pi Maria C.T. Zuali, Director SIRD & PR in kaihruaiin, Department hrang hrang 10 atangin Nodal Officer te an kalkhawm a ni. Pu Paul L.Khuma, Under Secretary RD Department, Pu Khuangthansanga Pakhuangte, Sr.Core Faculty (PA), Dr Lalhruaitluangi Sailo, Core faculty (Vety) leh Pu Lalchhandama Lailung, Core Faculty (IT) te’n zirtirna an pe a ni.