Nimin khan Agricultural Technology Management Agency, Mamit District buatsaihin Krishi Vigyan Kendra, Lengpuiah Skill Training of Rural Youth (Soil Testing) tih thupui hmangin ni 6 awh tur training hawnna neih a ni a. Pu Z.Lalthanzuala, District Soil & Water Conservation Officer, Mamit District chuan khuallian niin a hmanpui.

Pu Z.Lalthanzuala chuan hetiang training pawimawh tak hi tunhma kum 20 kalta khan lo nei fo thin ta ila chuan kan ram lo neitute hian hma kan sawn tawh hle dawn a ni a ti a. Kan ram leilung zirchianna nei hmasa lo a, kan duhzawng thlai kan ching ve ringawt zel thin hi pawi a tih thu sawiin lo neitute'n kan thlai chin tur azirin kan chinna tur hmun leilung zirchianna neih hmasak phawt hi kan tih makmawh ber leh kan hlawhtlinna tur a ni a ti bawk.

Pu Vanlalhruaia, Senior Scientist &Head, KVK Lengpui chuan training chhimtute duhsakna hlanin, lo neitute'n soil testing kan ngaih pawimawh viau a hun tawh a ni a ti.

Skill Training of rural youth hi thingtlang thalaite'n eizawnna tlak thiamna an neih theih nan a buatsaih thin a ni.

He training hi Pu Gregory Malsawmkima Deputy Project Director ATMA, Mamit District chuan kaihruaiin Dr. Henry Saplalrinliana ,Soil scientist KVK,Lengpui chuan zirtirna a pe a. Thalai mi 15 training-ah hian an tel a ni.

Attachment

• Loading attachment...