Mipui vantlang leh kawngpui hmangtute remchan zawkna tur leh him zawkna atan Tuithiang Veng leimin then fai hna thawh a nih chhung chu lirthei eng chi mah a tlan tlang thei dawn lova, line bus helai tlan tlang thinte kal dan tur chu a hnuaia ruahmanna ang hian siam a ni -
- Mualpui, Salem Veng, Bethlehem Veng Line Bus-te chu College Veng to Zodin via Republic, Upper Republic, Sikulpuikawn, Khatla kawn, Temple a kalin Zodin-ah kual letin Treasury Square atangin Republic Veng-ah an tlan ang.
- Kawngpui zaulaia stand inpekna tur a awm loh avangin Zodin City Bus Stand hnungah passenger an chhuk tir zawhin an tlan leh nghal anga, Dak Inpui kawtah passenger an lawn tir zawk chhung chauh an ding tur a ni.
- Bus tlan dan tur timing chu Line Bus Owner Association ten an ruahman ang a. Bus nitina tlan thei tur zat chu Mualpui Bus pali, Salem Veng Bus pahnih leh Bethlehem Veng Line Bus pahnih tlan phal a ni ang.
He Traffic Office hriattirna hi March Ni 20, 2018 atanga a chunga sawi leimin then fai hnathawh zawh a nih hma loh chuan hman tur a ni ang. A tul angin tih danglam theih a ni bawk ang.
Thupek hian chhiatrupna thil kang mei leh emergency kaihhnawih a dan leh thupek pawimawh bik a duty-te chet velna a huam lovang.
