Vawiin khan Agriculture Department hnuaia scheme pakhat - ATMA enkawltu, Mizoram Agricultural Management and Extension Training Institute (MAMETI) leh Extension Education Institute (EEI), Jorhat tangkawp buatsaih ni thum awh tur “Teamwork and Personal Responsibility in Agricultural Extension” tih thupui hmanga Off-Campus Training chu Agriculture Conference Hall-ah tan a ni.

Training hawnna inkhawm kaihruaitu Dr. C. Lalzarliana, Director of Agriculture (Crop Husbandry) chuan Agriculture Department hmalaknaa loneitute Department Staff-ten an vil uluk lai tak a nih thu sawiin hun chep tak kara he training hi buatsaih a nih avangin training-a telte chu thahnemngai taka inzir chhuak turin a chah a. “He training buatsaihtu EEI, Jorhat te hian kum tin hetiang training an buatsaih thin hi Department tan hlawkna ropui tak, thiamna min pek belhtu an ni” a ti bawk.

E.E.I., Jorhat atang hian Pu S. Barman, Assistant Professor leh Pi B. Lalrosiami Khuly (Nunu-i), Research Associate te lo kalin Off-Campus Training-ah hian zirtirna an pe a. Off-Campus Training-ah hian District hrang hrang atanga ATMA Scheme enkawltu Officer mi 34 te an tel a ni.