Vawiin chawhma dar 11:00 khan Champhai I&PR Auditorium CHANEM Building-ah SSA Champhai bul tumin School Management Committee (SMC) Champhai Block chhung a mite tan neih a ni a. Pu Lalthangpuia Sailo IAS Champhai District Deputy Commisioner chuan khuallian ni in he hun hi a hmanpui.

Khuallian chuan thusawiin, Tunlai khawvela thil tangkai leh pawimawh tak chu zirna hmanga inenkawlna hi a ni a, engthil ah pawh ruahmanna fel tak a awm loh chuan hlawhtlinna leh hmasawnna a awm thei lova,kan khawtlanga zir na in hma asawn theih nan Khaw tina zirna In kan neihte enkawl tura SMC hi din a ni a, Zirtirtu te chauh nilo khuaa mipawimawh tak tak lo kal khawmte chu Zirna kawngah mawhphurhna sangtak an nei a,kan bula mite thawhpui thiamin mite entawn tlakah in siam tur a ni tiin, Naupang Kum 6-14 inkar School kal lote chu School kal tir vektur a ni a,hemi kawngah hian chaktaka hmalak mek a nih thuasawi a. A tha ber nih tum turin kal khawmte chu a fuih a ni.

Pu H.Lalhminghlua Dy.District Project Co-Ordinator SSA Mission Champhai District chuan in hmel hriattirna neiin SMC Annual Meeting hman dan tur tlangpui asawi a.SSA Mission hi India ram ah Right to Education Act 2009 hnuaiah din tan a niin chumi hnu 1st April 2010 ah India rampumah kalpui nghal a niin, chuta tang chuan Mizoram ah pawh nasa taka hmalak chhoh tan a nih dan a sawi a ni.

Pu Lawmawma DEO&SDEO pawhin thusawiin Education hian a tum tak chu mihring reng reng atha thei ang bera siam hi ni a, thiamna tello chuan khawvelah hian hmasawnna tak tak a awm thei lova,zirtirtu te pawh mahni duh dan dan a awm thei kan nilova dan leh dun kan zawm thiam angai a, Dan hriat loh vangin thiam a chan theih chuang loh tiin in hriatthiamna hian in hriatthiam lohna ahring chhuak theia chuvangin Scoola thawkte hian dan kan zawm hi a him ber a ni ati.

He hun kaihruaitu Pu Laldingliana District Project Co-Ordinator SSA Mission Champhai District chuan Champhai hi SSA ah Model District nih kan hauh tlata la nih zel pawh kan tuma,SMC nei tha ber District pawh nih kan tum tiin ,kan Sawrkar School dinhmun siamthat chhoh zel pawh hi kan tum a ni tiin an hmalak dan hrang hrang a sawi a.Saikhumphai a SSA in zirna lama hmaan va lak pui dan a Report nghal bawk.

Chawhnu lamah Duties & Function of SMC leh Maintenance of Account zir chianna hun an hmang leh a ni.