World Environment Day hi United Nations General Assembly-in kum 1972-khan Stockholm Conference on Human Environment hriatrengna'n a din a ni. He ni hi a hman hmasak ber chu kum 1973 kha a ni a, June 5, 2010 hi a vawi 38-na a lo ni ve ta reng mai. He nî hi kan chênna khawvel neih chhun leh a chhunga cheng zawng zawngte tâna ni ropui bîk a ni a, thukhat vua-a environment humhim a pawimawh zia inzirtirna nî a nih bakah a taka lantirna ni vohbîk a ni. Kumin 2010 thupui chu 'Many Species. One Planet. One Future' tih a ni a; hmabak pakhat neiin nunna nei zawng zawng hian khawvel pakhat kan intawm a ni tihna a ni. Kan enkawl uluk leh kan tha tlang, kan ngaihthah leh kan chhiat tlanna tur a ni zel.
Kan chênna khawvel hi a danglam chak hle a, kan nun dan te pawh ni tin mai hian hmuh theih khawpin an changkang chak a. Benga kan hriat leh TV-a kan hmuh hmasawnna te ngei paw'n chawp leh chilhin kan ram kilkhawr tê pawh hi an rawn thleng ve ta nghal zel a ni. Kan pi leh pute nunphung leh tunlaia kan nunphung chu inthlau tawh tak a ni a, chutih rualin min hual veltu kan environment pawh hman nen chuan inang lo tak a ni ta.
Zoram rohlu te chu bawlhhlawhin a tihbuai ve ngai loh luite tui luang fim tak ri her her te; nipui a lo thâwt pawha boruak dai nuam ruih mai te leh thlasik a lo thlen pawh a boruak tawrh nuam tawk chauhva vawt leh Masi rim nam tawk chauh si te; tlang awih leh khawkrawk tak tak, tuma la tlawh pawh ngai loh ni awm fahrana hring dup mai leh a tawk chauhva ruahtuiin a châwm hnim hring dup mai te; Amazon ngawpui
ianga kum za nufa a ral hnu pawha la vah ngai loh ngaw dur khup mai te leh a chhunga nungcha sângrualte zalen leh hlim taka an chai thinna khawvel chu a ni.
Heng Zoram rohlu te hian kan ram neih chhun hi an rauhsan nasa ta hle a, lasi te tual lenna |an leh Lurh tlang lamah te pawh ramsa an vâng tawh hle. Kumtinin kan kâng dur dur a, kan lui tui te pawh an bawlhhlawh ta telh telh a, kan boruak pawh hmun thenkhatah chuan hip huphurhawmah an chang ta. Tunah phei chuan kan rin leh beisei ai daiha chakin he zinkawngah hian kan tlân ta vawn vawn a. A enkawltu ber Zoram mipuite hian hun rei tak chhung chu kan environment-in chhantu aurawl nena min kohna hi beng kan lo chhut ngawn san tawh a. Hun kal tawhah kha chuan kan hriat loh vang te pawh a ni thei a, mahse vawiina thangthar hawizau leh lehkha thiam rualte hian hma kan la lo a nih ngat chuan thiam thu sawi tur kan vân hle ta ve ang.
Environment Day hi tumah hmang tura tih bik pawh an awm hranpa lova, tute pawh hi an leng vek a, khawi hmun atang pawhin a lo zawm ve vek theih a ni. World Environment Day hian zirlai a tur chhuak a, Super Model-te leh Film star nalh tak takte an pen chhuak asin! "Nang i hmunah kei ka hmunah" tiin mahni tihtheih tawk an zawng theuh a ni. Nang leh i chhungte khan eng nge in tih ve le?
Thil ropui tih a tangkai a, tenau nia ngaih pawh a sawt asin. Hengte hi a ni bik denchhen hian environment humhim nan han ti la, nidangah i chhunzawm zel dawn nia. I tih lai reng thin a nih pawhin chhunzawm la, midang ti turin zirtir zel ang che. Kawng dang tam tak a awm- thil thar tih tur zawng reng bawk ang che.
1) Mei zuk sim hlauh teh, anih loh pawhin i zuk thin dan aia tlem zu teh.
2) Ke a kal uar thar teh.
3) Polythene bag hnawl rawh.
4) Computer leh TV standby mode-a dah (remote-a off) loin off la, current luhna off bawk rawh.
5) Electric bulb chi i la hmang a nih chuan CFL chiin thlak vek rawh.
6) Lehkhapuan ren la, a phek tawnin hmang hram hram rawh. A tul ngei chauh lo chu print mai mai suh.
7) Zan mut dawnah Fridge off ang che.
8) A bawmah chauh bawlhhlawh paih uar thar rawh.
9) Tuidawn siam la, ruahtui khawlna zem siam rawh.
10) Thing phun leh bawk ta che.
Tui mal far te te, tiauvut hrang awm khawm, tuipui lian a thlenin ram nuam a lo awm tih ang khan mi tinin kan theih tawk te te kan tih hian ram nuam a awm dawn asin! Chutiang tiin ram leh hnam tan kan thawk a lo ni.
Zoram rohlu te chu bawlhhlawhin a tihbuai ve ngai loh luite tui luang fim tak ri her her te; nipui a lo thâwt pawha boruak dai nuam ruih mai te leh thlasik a lo thlen pawh a boruak tawrh nuam tawk chauhva vawt leh Masi rim nam tawk chauh si te; tlang awih leh khawkrawk tak tak, tuma la tlawh pawh ngai loh ni awm fahrana hring dup mai leh a tawk chauhva ruahtuiin a châwm hnim hring dup mai te; Amazon ngawpui
ianga kum za nufa a ral hnu pawha la vah ngai loh ngaw dur khup mai te leh a chhunga nungcha sângrualte zalen leh hlim taka an chai thinna khawvel chu a ni.
Heng Zoram rohlu te hian kan ram neih chhun hi an rauhsan nasa ta hle a, lasi te tual lenna |an leh Lurh tlang lamah te pawh ramsa an vâng tawh hle. Kumtinin kan kâng dur dur a, kan lui tui te pawh an bawlhhlawh ta telh telh a, kan boruak pawh hmun thenkhatah chuan hip huphurhawmah an chang ta. Tunah phei chuan kan rin leh beisei ai daiha chakin he zinkawngah hian kan tlân ta vawn vawn a. A enkawltu ber Zoram mipuite hian hun rei tak chhung chu kan environment-in chhantu aurawl nena min kohna hi beng kan lo chhut ngawn san tawh a. Hun kal tawhah kha chuan kan hriat loh vang te pawh a ni thei a, mahse vawiina thangthar hawizau leh lehkha thiam rualte hian hma kan la lo a nih ngat chuan thiam thu sawi tur kan vân hle ta ve ang.
Environment Day hi tumah hmang tura tih bik pawh an awm hranpa lova, tute pawh hi an leng vek a, khawi hmun atang pawhin a lo zawm ve vek theih a ni. World Environment Day hian zirlai a tur chhuak a, Super Model-te leh Film star nalh tak takte an pen chhuak asin! "Nang i hmunah kei ka hmunah" tiin mahni tihtheih tawk an zawng theuh a ni. Nang leh i chhungte khan eng nge in tih ve le?
Thil ropui tih a tangkai a, tenau nia ngaih pawh a sawt asin. Hengte hi a ni bik denchhen hian environment humhim nan han ti la, nidangah i chhunzawm zel dawn nia. I tih lai reng thin a nih pawhin chhunzawm la, midang ti turin zirtir zel ang che. Kawng dang tam tak a awm- thil thar tih tur zawng reng bawk ang che.
1) Mei zuk sim hlauh teh, anih loh pawhin i zuk thin dan aia tlem zu teh.
2) Ke a kal uar thar teh.
3) Polythene bag hnawl rawh.
4) Computer leh TV standby mode-a dah (remote-a off) loin off la, current luhna off bawk rawh.
5) Electric bulb chi i la hmang a nih chuan CFL chiin thlak vek rawh.
6) Lehkhapuan ren la, a phek tawnin hmang hram hram rawh. A tul ngei chauh lo chu print mai mai suh.
7) Zan mut dawnah Fridge off ang che.
8) A bawmah chauh bawlhhlawh paih uar thar rawh.
9) Tuidawn siam la, ruahtui khawlna zem siam rawh.
10) Thing phun leh bawk ta che.
Tui mal far te te, tiauvut hrang awm khawm, tuipui lian a thlenin ram nuam a lo awm tih ang khan mi tinin kan theih tawk te te kan tih hian ram nuam a awm dawn asin! Chutiang tiin ram leh hnam tan kan thawk a lo ni.
