Vawiin khan NLUP Conference Hall ah NLUP Implementing Board member te NIB Vice-Chairman Pu PL Thanga kaihhruaina hnuaiah an thukhawm a, NLUP kalpui zelna tura thil tul hrang hrang an sawi ho bakah CAG Audit Report tualchhung chanchinbu-a lo lang te sawi ho a ni a. Thu dik tluan tling tawk lo sawifiah ngai tam tak a awm thu tarlan a ni.
Vawiina NIB meeting thuchhuak chuan tunhnai CAG Audit Report tihchhuah a baseline survey chungchang thu te, compact area buatsaih chung chang thu te, NLUP Apex Board in beneficiary thlang ang a report tarlan leh thil fel lo anga ngaihtheih chi hrang hrangte hi thubelhchian dawl lo a ni a ti a, hetiang hian thuchhuah a siam :
1. Baseline Survey chungchangah YMA hmangin khawtinah neih a ni a ni a, Heng list te hi khaw hrang hrang YMA ten an District enkawltu Deputy Commissioner hnenah an submit a. NIB office in DC office atangin an dawng ve chauh zawk. Chuvangin Baseline Survey Report Village Level Committee te hnenah pe lo anga sawi hi thu belhchian dawl lo a ni. NIB atangin DC zawng zawng hnenah heng list te hi a tul dan anga lo pe tura instruction pek an ni bawk. YMA Survey September 2009-a neih ah vawiin thlenga complaint a awm loh avangin Survey Report rintlak takah ngaih a ni bawk.
2. Compact area thlan chungchang : Khaw tinah beneficiary thahnem tak thlan vek an nih avangin Mizoram hi cluster area / compact area 40 ah then a ni. Central Sorkar scheme dang a compact area nen danglamna a awm chuang lo.
3. NLUP Beneficiary thlan dan : NLUP Apex Board in NLUP beneficiary a thlang ang a an report hi thubelhchian dawl lo a ni a. Beneficairy zawng zawng hi Village Level Committee in thlangin DC ah submit a ni a. DC atangin NIB ah a lut a. NIB in a lo endik hnuin NLUP Apex Board hian formal approval a pe mai a ni zawk. 1st Phase tan tirh dawn khan beneficiary thlante rintlak a nih leh nih loh endik turin neutral body, Mizoram University rawih a ni a. Aizawl khawpui leh a chhehvel cluster 10 (MLA bial 10)- a beneficiary thlante uluk taka endik a ni a, dik lo nia ngaihte engamawzat cancel an ni bawk.
4. NLUP hmutlak lo thlan chungchang : A tir atanign NIB hian NLUP Manual a buatsaih a. NLUP Manual ah hian eligibility criteria felfai taka siam a ni. Hei hi NLUP Apex Board in approval a pek hnuin uluk taka kalpui a ni. DC zawng zawg te hnenah Village Level Committee thlante uluk taka endik tura hriattir an ni a. Mi 1178 chuang cancel an ni tawh. Hmutlak lo anga ngaih report NIB in a dawn hi ngaihthah pakhat mah a awm lo. Audit Party hnenah pawh hian dik lo anga lang an hriatte sawi turin Audit lai atanga ngen an ni a. Tun thleng hian hming pakhatmah Department emaw, NLUP Board ah emaw Accountant General Office atang hian dawn a la awm loh avangin an thu ziak hi finfiah theih a ni lo.
5. NLUP hlawhtlinna : NLUP in a thil tum hlawhtling lo anga puhna chungchangah thu dik tawk lo a awm niin a lang. Input supply target ah Department zawng zawng tihtheih deuhthaw a intodelh tawh a, tharchhuah tihpun chungchangah hmunphiah economy ringawt pawh hi kum 2009-ah Rs. nuai 37 atangin kum 2016 khan Rs. nuai 5704 akai chho. Hmunphiah rate Kg 1 Rs 20/- vel atangin chawhrualin Rs. 80/- ah a kai a, a that zual kumin Kg ah Rs. 115/- hial a kai chho a ni. Hei hian hmunphiah chingtute tan a hlawkna a let 4 aia tamin a pung tih a tichiang a ni. Department hrang hrangah hetiang hlawhtlinna chhuanawm tak a awm lai hian NLUP Monitoring Agency atana ruat Mizoram University te, NABCONS (NABARD Agency) te leh a dang dangte report ah hlawhtlinna hrang hrang hi tarlan a ni. Auto-rickshaw trade thlang tute hlawhtlinna pawh hi sawi tham tak a awm. Carpentry leh tailoring trade thlang tute hlawhtlinna vanga an sum lak lak luh nasa taka lo pung bakah mi 1000 chuang zet employment an siam sak a, heilo pawh hi Line Department hrang hrang hnuaia trade hrang hrangah hlawhtlinna hmuh tur tam tak a awm a ni.
Uluk taka thil ngaihtuah hnuah hrilhfiahna a tul anga siam zel turin NIB meeting chuan a rel a ni.
~~~~~~~~
