No.446/2020-2021
India ram pumah NIC chuan COVID19 kaihhnawihah phone hmanga survey neih a tum a, hei hian ramchhung hmun hrang hranga telephone nei mi vaibelchhe hnih a tuam ang. 1921 number atangin mobile phone-ah phone call a lo kal ang a. Aarogya Setu app ang deuhin mi tupawhin 1921 biain self appraisal a ti thei bawk dawn a ni. Smart phone hmang ve lo, mobile phone pangngai leh landline atang pawhin 1921 hi hman tangkai theih a ni ang.
1921 atanga mi tupawhin phone call kan dawng a nih chuan inbumna a ni lo tih leh mipui tana tangkai tur NIC hmalakna a nih hriain zawhna an zawhte tha taka lo chhang turin mipuite an ngen a. Telephone hmanga survey neih a nih tur thu hi Ministry of Home Affairs website-ah leh COVID kaihhnawih Ministry dang website ah pawh chiang taka tarlan a ni.
