4371/2025-2026

Dated Siaha, the 10th February, 2026: Vawiin chawhma dar 10:00 A.M. khan DRDO Conference hall, DC Complex, Siahaah ni khat awh sawrkar hnathawkte tana ‘Legal provision and matters’ training neih a ni a, Pu VL Hruaizela Khiangte, Deputy Commissioner, Siaha chuan a hmanpui.

Deputy Commissioner Pu VL Hruaizela Khiangte chuan training tura kal khawm zawng zawngte chu chibai bukna nei hmasain, Mizoram sawrkar-a Administrative Training Institute leh Mizoram State Legal Services Authority ṭangkawpin hetiang hun ṭha tak an buatsaih chu lawmthu a sawi bawk. Training tura kal sawrkar hnathawkte chu dan hnuaiah (conduct rules) kan awm tih hriaa chumi zulzuia dik leh tha thei ang bera hna thawk turin a chah. Tun dinhmunah harsatna kan tawk lo anih pawhin ‘dan hriat lohna hi chhuanlam a tling lo’ tih anih angina kan hnathawhna kawngah bangbo lutuka kan awm loh nan dan hriatna lamah kan intuaihriam deuh deuh a ngai a ni, a ti.

Vawiin hun hmannaah hian Pu Thomas Lalrammawia, CJM & Secretary, Siaha DLSA, Pi Sheila Laldinthari Hnialum, Civil Judge cum JMFC leh Pi Mary J Ngurnunmawii, Advocate te’n thupui ṭhen hrang hrang hmangin dan chungchanga hriattur pawimawhte zirtirna an nei a ni.

Ni khat awh training-ah hian Siaha khawpui chhunga sawrkar department hrang hrang aṭangin thawktu ṭhahnem tak an kal khawm a, Pu F. Lalremmawia, Deputy Director (F&A), ATI-in hun hman a kaihruai a, Pu Vanlalchhuanliana, SDO (S) in lawmthu sawina neiin training tihtawp a ni.