Nimin chawhma dar 11:00 khan Pu H.Rohluna, Minister, E&F leh Food & Civil Supply ni bawk chuan Chawngte ‘P’ a RAJIV GANDHI GRAMIN L.P.G VITRAK SCHEME, NUTEI GAS AGENCY chu a hawng.

Minister hian thu sawiin, a mamawhte tan a hman theih ni tur a GAS Agency hawn theih a a awm hi a lawm awm hle a ni a ti a, RGGLV SCHEME hi hmun hrang hrangah a hlawhtlin na hmuh mek zel ani a, tun ah hian Mizoram ah hmun 13 ah hawn ni tawh in hmun 6 dang ah pawh hawn phalna pek belh anih thu a sawi a, Ei rawngbawlna GAS hi mipuite tan rawngbawl ati awlsam a, mahse kan ren thiam erawh a tul dawn a ni a ti. Sorkar hmalakna hrang hrang tarlang in Kan ram in kum 3 chhung lekin hlawkna tam tak a hmu a, Kawlphetha lamah pawh sorkar in chak tak in hma a la mek a, Kolodine Multi Model Project hna pawh kalpui mek a ni a, kan tih puitlin hun ah chuan chhimlam hi North East kawt chhuah ala ni dawn a ni a ti bawk. Tin, mirethei te chawikan nan hian sorkar in NLUP a kalpui mek zel a, mahse a dawngtu ten dik na leh rinawmna nen a hmang tur in leh hlawhtling ngei turin a chah bawk a. Minister chuan GAS chung chang a harsatna kan tawh mek te sawi in, India ram hian za a 25 vel kan thawk chhuak a, rampawn atangin za a 75 lak luh a ni a, Gas man a to tak avang in Company in ala lut tlem a, chu chu kan harsat na pakhat ani a ti bawk. GAS neitu leh mipui te inkar ah in unau na leh kan tan tlan a tul thu te sawi in, mipuite harsat na leh mangan na ah sorkar in hma ala zel dawn a ni a ti. Hnam hnufual te hi sorkar hian an hmasawn zel nan hian ke a pen mek zel a ni a ti. Chawngte ‘P’ a NUTEI GAS AGENCY ah hian connection 2500 an awm mek bawk a ni.

He hun ah hian Pu Kali Kumar Tongchngya CEM, CADC pawhin thu sawiin mi tin in a kan mamawh eirawng bawlna GAS Agency Chawngte a kan nei thei hi a lawm awm hle a ni a ti a, GAS Agency te leh Mipui te inkar ah in rem leh in hrethiam tlang tak a thawh ho a duh thu a sawi bawk ani. Minister hi Lunglei atang in Pu Kawlhnuna DFO, Dr Andrew H.Vanlaldika DCSO leh Party miten an tawiawm ani.