Nimin khan Chief Minister Pu Lal Thanhawla kaihruaina hnuaiah Council of Ministers ten Cabinet Meeting an nei.
Cabinet meetingah hian ngaihtuah tur tam tak an chhawpchhuah zingah Rajiv Gandhi Stadium, Assam Rifles Lammuala din tura hma engemaw chen lak tawh chu, Assam Rifles lamin clearance an la pek theih loh vangte bakah, a sakna tur fund hi 12th Finance Commission atanga hmuh, March 2010 a lapse mai tur anih bawk avangte leh khawpui chhung tawt belchhah lutuk tur ven nan 3rd MAP hmun, Mualpui ah sawn nise tih chu remtih a ni a. New Capital Complex a Indoor Stadium din tura hmalak mek pawh sawihoin, Secretariat Building hnaih lutuka mipui punkhawmna awm loh hi tha zawka hriat anih avangin, he Indoor Stadium hmun tur hi Vety Mual, Republic Vengah sawn turin meeting hian a pawmpui bawk a.
Hengte bakah Cabinet Meetingin agenda a pawmpui te chu The Mizoram Air & Water (Prevention & Control of Pollution) (Amendment) Rules, 2009 , The Mizoram Science & Technology Research Fellowship Rules, 2008, Proposal for framing of the Mizoram State Employment Guarantee Fund Rules, 2008 an ni a. New Capital Complex-a Raj Bhavan hmun tur chu High Court hmun atan pek remtih a ni bawk a, Ram chin erawh la teh fel tur a ni ang.
Hengte bakah Cabinet Meetingin agenda a pawmpui te chu The Mizoram Air & Water (Prevention & Control of Pollution) (Amendment) Rules, 2009 , The Mizoram Science & Technology Research Fellowship Rules, 2008, Proposal for framing of the Mizoram State Employment Guarantee Fund Rules, 2008 an ni a. New Capital Complex-a Raj Bhavan hmun tur chu High Court hmun atan pek remtih a ni bawk a, Ram chin erawh la teh fel tur a ni ang.
