Mizorama AIDS natna do kawnga kutke pawimawh tlawmngai pawl hrang hrang ten tinzawn neia an hmalaknate chu vawiin khan thlirletin I & PR Auditorium-ah hun an hmang a. Mizoram State AIDS Control Society Chairman leh Chief Secretary Pu Vanhela Pachuau in a hmanpui.
Nihnih chhung thlirletna hun hman tur hi hawngin Pu Vanhela Pachuau chuan AIDS hi dawt nena do hneh mai mai chi a ni lo a ti. Chief Secretary chuan rinawmna leh tumruhna hi zirthiam theih a nih angin AIDS do kawnga tlawmngai pawl aiawh kalkhawmte chu rinawm leh taima tura fuihin run dal mai maia hnathawh hian rah a chhuah ngai lo a ni a ti.
MSACS hnuaiah hian tun dinhmunah kutke bera rin tlawmngai pawl 43 in Mizoram pum hi an tuam mek a. Heng tlawmngai pawlte hian AIDS natna hrik thehdarh tu zualpui deuh deuh te chu tum bikah neiin hma an la mek a. Hriaua inchiu ching (Injecting Drugs User) lam bitum tlawmngai pawl 24 leh Hmeichhe awmtha duh lo (Sex Workers) lam enkawltu pawl 2 an awm mek a, tlawmngai pawl 1 mawngkawhur lam chungchang thlithlai tu bik, motor lian khalhtu Trucker te zinga he natna dotu bik tur tlawmngai pawl 2, state pawn atanga lo pem lutte thlithlaitu bik pawl 7 bakah NGO 7 te chuan inchiu ching leh hmeichhe awmtha duh lo te an thlithlai reng a ni.
Tlawmngai pawl 43 atanga an Project Director leh Project Manager te vawiinah hian an kalkhawm a ni.
India rampum huapa AIDS dotu pui ber National AIDS Control Organisation hnuaiah Mizoram chu a thawk tha ber zinga mi a tling pha a. Integrated Counseling and Testing Centre bikah phei chuan Mizoram chu 1-na niin a pumpuia lakin India ramah 6-na a tling pha a ni.
MSACS hnuaiah hian tun dinhmunah kutke bera rin tlawmngai pawl 43 in Mizoram pum hi an tuam mek a. Heng tlawmngai pawlte hian AIDS natna hrik thehdarh tu zualpui deuh deuh te chu tum bikah neiin hma an la mek a. Hriaua inchiu ching (Injecting Drugs User) lam bitum tlawmngai pawl 24 leh Hmeichhe awmtha duh lo (Sex Workers) lam enkawltu pawl 2 an awm mek a, tlawmngai pawl 1 mawngkawhur lam chungchang thlithlai tu bik, motor lian khalhtu Trucker te zinga he natna dotu bik tur tlawmngai pawl 2, state pawn atanga lo pem lutte thlithlaitu bik pawl 7 bakah NGO 7 te chuan inchiu ching leh hmeichhe awmtha duh lo te an thlithlai reng a ni.
Tlawmngai pawl 43 atanga an Project Director leh Project Manager te vawiinah hian an kalkhawm a ni.
India rampum huapa AIDS dotu pui ber National AIDS Control Organisation hnuaiah Mizoram chu a thawk tha ber zinga mi a tling pha a. Integrated Counseling and Testing Centre bikah phei chuan Mizoram chu 1-na niin a pumpuia lakin India ramah 6-na a tling pha a ni.
