Vawiin khan Pu K.Riachho, IAS, Secretary, Education and Human Resources Development in Babutlang Archive Hall ah Aizawl District Education Committee huai hawt a ninga chhung Adult Learners’ Week an buatsaih chu a khar.
He Programme hi India President, Pi Pratabha D.Patil in June ni 4,2009 a Joint Parliament Session a a sawi Women Literacy ngaih pawimawh a ni ang a; kum 5 chhungin ziak leh chhiar thiamlo zawng zawng ten an thiam vek tur a ni tih bawhzui a ruahman a ni. Kharna inkhawmah hian khuallian Pu K.Riachho chuan thusawiin khawvel ram pumah ram changkang tehna pawimawh tak chu ziak leh chhiar tam dan hi en thin a ni a. Mizoram hi Kristian Missionary te zarah kum 1890 bawr vel atang chauh a A AW B nei tan kan ni a. Kum 10 dan zela India inchhiarpui kan neih tawhah kum 1901 atang a chhutin ziak leh chhiar thiam kan punna hi a chhuanawm tak zet a. Inchhiarpui hnuhnung bera tehnaah India ram pum hi za zela 64.4 a nih laiin Mizoram hian a pahnihna hauh pha in zazel ah 88.8 kan kai a, hei hi Pathian malsawmna liau liau a ni a ti a.
Pu K.Riachho chuan India ram hnam ropui leh upa tak tak te lehpel a tun dinhmun kan ding thei hi Mizo mipui zawng zawngte tanrualna rahchhuah a ni a. Tunah hian inchhiarpui kan hmabak leh mek a, mi zawng zawng tanrual puiah kan sawm tak meuh a ni a ti a. India ram state ah pakhatna nih ngei kan beisei tlat a, tunah hian puitling lehkha ziak leh chhiar thiamlo hi mi singriat chuang emaw chauh kan nei a. Heng hote pawh hi Lawngtlai District, Mamit District leh Lunglei District khawthlang lam khu min pawt hniamtute an ni a. Hetih lai hian kan inthlahdah erawh chuan min rawn hnaih hle tu state te hian min lehpelin hniam takah kan awm thei thung a ni a ti.
He Adult Learners’ Week ah hian Aizawl khawpui chhunga zirtirtu engemaw zat an tel a. Hmalak tan dan tur chipchiar takin an zirho a ni. Hetiang bawk hian Saiha, Lawngtlai, Lunglei leh Mamit ah pawh District Education Committee dinin hma an la tawh hlawm a ni. Pu V.Lalsiamthara, Dy.DPC in lawmthu sawiin inkhawm hi a khar a ni.
Pu K.Riachho chuan India ram hnam ropui leh upa tak tak te lehpel a tun dinhmun kan ding thei hi Mizo mipui zawng zawngte tanrualna rahchhuah a ni a. Tunah hian inchhiarpui kan hmabak leh mek a, mi zawng zawng tanrual puiah kan sawm tak meuh a ni a ti a. India ram state ah pakhatna nih ngei kan beisei tlat a, tunah hian puitling lehkha ziak leh chhiar thiamlo hi mi singriat chuang emaw chauh kan nei a. Heng hote pawh hi Lawngtlai District, Mamit District leh Lunglei District khawthlang lam khu min pawt hniamtute an ni a. Hetih lai hian kan inthlahdah erawh chuan min rawn hnaih hle tu state te hian min lehpelin hniam takah kan awm thei thung a ni a ti.
He Adult Learners’ Week ah hian Aizawl khawpui chhunga zirtirtu engemaw zat an tel a. Hmalak tan dan tur chipchiar takin an zirho a ni. Hetiang bawk hian Saiha, Lawngtlai, Lunglei leh Mamit ah pawh District Education Committee dinin hma an la tawh hlawm a ni. Pu V.Lalsiamthara, Dy.DPC in lawmthu sawiin inkhawm hi a khar a ni.
