Vawiin khan Pu Zodintluanga, Sports & Youth Services Minister chuan SAI Complex, Mission Vengthlanga  ni 4 (14th-17th September) awh tur All India Inter-Regional Taekwondo Tournament 2009-2010 a hawng.

 

 

 

Minister chuan  SAI in hetiang inelna Mizorama nghah a ni chu lawmawm a tih thusawiin he tournament hian state hrang hrang atanga lokal infiammite karah inunauna leh an thiamna an pawrhchhuah ngei a beisei thu a sawi. Infiamna a hlawhtling tur chuan 3 D’s, discipline, determination  leh dedication a pawimawh thu a sawi a, heng te kan neih chuan infiamna khawvel ah India mite hi tun aiin kan lang thei a ni a ti.

Vawiin hawnna inkhawmah hian Pu Zoliana Royte Director Sports & Youth Services chuan tournament chungchang ah report a pe a, Pu Francis Marwein, Director SAI, North Eastern Regional Centre chu khualzahawm a ni. Tun tournament ah SAI region 5 an tel a, chungte chu :

N.E. Regional Centre, Imphal, Manipur, Mizoram leh Nagaland atangin official 2 telin 50; North Sub-Centre, Lucknow atangin official 1 telin 5; Central Regional Centre, Bhopal atangin official 2 telin 19;  N.E. Regional Sub-Centre, Guwahati atangin official 4 telin  53 leh Southern Centre, Bangalore atangin official 1 telin 11 te an ni.

 

 

{mosimage}