1533/2026-2027 

Aizawl dated 28th July 2026: NIRD&PR, Hyderabad leh SAU-MISSAT, Mizoram ṭangkawpin ni hnih (2) awh Viksit Bharat- Guarantee for Rozgar and Ajeevika Mission Grameen (VBGRAM-G) on Social Audit training SIRD&PR, Durtlang Leitan-ah a buatsaih a. Training hawnna hun hi Pi C. Laltleipuii, Director, Social Audit Unit chuan kaihruaiin, SAU te hnathawh hrang hrang leh Social Audit pawimawhnate a tarlang a. Hetiang Training hi Ni 23 - 24 July khan Southern Region tan BRP leh DRP mi 27 tan  ETC, Pukpui Lungleiah buatsaih a nih tawh thu a tarlang bawk a ni. 

Pu R. Lalremsanga, Director, SIRD&PR chuan Training hawnna hunah hian MGNREGS thlaktu VB-GRAM-G hian khuarei daih leh huapzo zawka Rural Development kalpui hi a tum ber a nih thu a sawi  a. Hemi tihhlawhtlin theih nana thil pawimawh tak pakhat chu Social Audit a nih thu leh Social Audit hi sum ziah fel dan endik leh fel lo lai awmte zawnchhuah tumna ngawr ngawr ni lovin, Sawrkar hmasawnna hnathawhte a nih ang takin mipuiten an ṭangkaipui em tih hi Social Audit thil tum pawimawh ber pakhat a nih thu a sawi bawk a ni.

He training-ah hian Serchhip District, Mamit District, Aizawl District, Champhai District leh Saitual District aṭanga Block Resource Persons  leh SAU Staff mi 34 hnenah training pek an ni ang. Training chhung hian NIRD&PR, SAU Master Trainer leh SIRD&PR aṭanga mithiam ten zirtirna an pe ang.