3561/2022-2023

Aizawl the 13th, February 2023,  Ni nga chhung awh tur (13^th– 17^th February, 2023) “NIRDPR NERC off Campus ToT on Training Needs Assessment” chu SIRD&PR Auditorium, Durtlang Leitan-ah vawiin ni13.2.2023 khan a hawnna neih a ni a, Pi B. Sangkhumi, Padma Shree, MPSC Chairperson hlui chuan he training hi a hawng a ni.

Training hawnna Pu Khawlsiamthanga Khawlhring, Associate Professor, SIRD&PR kaihhruaiah hian Pi B. Sangkhumi chuan training hawnna-a teltura Course Director-in a sawm chu lawmawm a tihthu a sawi a, Mizoramah Rural Development Scheme hranghrangte kalpui a ni chu lawmawm a tih thute a sawi a. Mizoramah Panchayati Raj system anga hmeichhiate tana Village Council-a za-a 33 (33%) hauh a nih theih nana an hmalak dante tarlangin, kan ram rorel tute’n an tihlawhtling ta te hi a lawmawm hle a ni, a ti a. Hemi avanga Rural Development leh Panchayati Raj atanga hamthatna kan hmuh theih phah ni te pawhin a hriat a, a lawmawm emem a ni, a tibawk. Pi B. Sangkhumi chuan he training hi hlawk taka hmang tura duh sakna hlanin a hawng a ni.

Training hawnna hunah hian Dr.T. Vijaya Kumar, Associate Professor & Course Director, NIRDPR-NERC, Guwahati chuan training tura lo kalkhawmte chu training pe chhawng leh tu tur an nih avangin uluk takleh taima taka training neitura sawmin, training hian rah tha a chahuah theih nan leh training kan pekte’n an hlawkpui theih nan hriattur leh tih tur tam tak a awm a, chung thil chi hranghrangte chu kan zirho dawn a ni, a ti. 

Training hawnna-ah hian Dr.Abha Shree, Assistant Professor, Department of Education, MZU/Resource Person chuan thusawina a nei bawk. Training hawnn ahun hi Er. LR Lalrinmawia Hnamte, Faculty/Local Course Coordinator, DPRC, SIRD&PR chuan lawmthu sawiin a khar a ni.

He training-ah hian SIRD&PR, KVK, MKVIB, ITI, FOCUS, ATMA, Zosang Agro leh Angel Business atanga mi 29 kal khawmte hi Dr. T. Vijaya Kumar, Associate Professor & Course Director, NIRDPR-NERC, Guwahati; Dr. JB Rajan, Former Associate Professor, KILA, Kerala; Dr. Abha Shree, Assistant Professor, Department of Education, MZU leh Dr. N. Amareswaran Reddy, Assistant Professor, NEHU, Shillong, Meghalaya ten zirtirna an pe dawn a ni.