3135/2023-2024

Mamit 20th December, 2023 : Niti Aayog Window-1 hnuaia DC Mamit leh Mission Foundation Movement tangkawpin JSS Mamit a Skill training (45 days course) a kalpui chu vawiin khan I&PR Conference Hall, Mamit ah certificate leh bungrua semna hun hman a ni.

He hun hi Pu. H Darhmingliana, Dy DPC, Samagra Shiksha, Board Member JSS chuan kaihruaiin, Pu R. Vanlalzauva, Director MFM in beneficiaries-te hnenah fuihna thu a sawi a, eizawnna tlak thiamna nei ngei tur leh taima taka hna kan thawh chuan eng kawngah pawh hlawhtlinna a awm thu a sawi. He Project hnuaia training chhuak Beauty Therapist zirlai 15 leh Carpentry zirlai 10 te phnenah Certificate leh Basic Equipment te hlan an ni. Beauty therapists te'n bungrua Rs 2,00,000/- man hu leh Carpentry zirlai ten bungrua Rs 30,000/-man hu hnathawh bul tanna tur an dawng a ni.

He project " Enhancing employability by imparting skills among youth in Mamit District". hi Mamit District-a thalai te'n eizawnna tlak kutthemthiamthil mai piah lamah bul an tan theihna atana basic equipment pek hi a tum a ni a. He project hnuaiah hian trade pahnih Beauty Therapist (Permanent Makeup) leh Carpenter & Wooden furniture - ah te training pek niin trainee 25 an awm a ni.

Mission Foundation Movement hian Project hrang hrang sawmhnih chuang ah hna thawkin, skill development lamah nasa takin hma an la mek zel a, tin, JSS Mamit ah hian tunah trade 13 kalpui mek niin, Mamit District chhung hmun hrang hrangah centre neiin nasa takin Mamit District thalaite hmasawnna atan hma an la mek bawk a ni.