3396/2023-2024

Aizawl, the 19^th January 2023: NITI Aayog atangin Dr. Priscilla C. Ngaihte, Regional Lead, North East States leh Pu Siddharth Bagaria, Young Professional chuan Mizoram rawn  tlawhin Mamit district tana Aspirational District Programme (ADP) leh Lungsen, Reiek leh Ngopa RB block te tana Aspirational Block Programme thlirletna an nei a. January, ni 18 khan Planning & Programme Implementation Department, Aizawl-ah hybrid mode hmangin hemi chungchangah hian meeting neih a ni a. He hunah hian aspirational district leh block hrang hranga Deputy Commissioner leh Block Development Officer-te chuan an district/block-a an dinhmun, hlawhtlinna leh harsatna tawhte sawi ho a ni.

NITI Aayog Team chuan ABP block zawng zawngte hmasawnna chu fakin, ABP Fellows rawihte hmangin block need assessment an neih chu tha an ti hle a, state dang te entawn atan an chhinchhiah a ni. He meeting neih chhung hian Dr. Priscilla hian ABP hnuaia special mission pakhat NEVolution: Focussed Attention to North East atan orientation a neih pui bawk. NEVolution hian ABP block chhunga Planned Intervention buatsaihna tur ruhrel chu siamin, development hmalak nan tanpuina hrang hrang a ruahman a ni.

January, ni 19 ah NITI Aayog Team chuan Reiek RD Block tlawhin khaw mipui te, village council member-te, tlawmngai pawl YMA, MHIP leh MUP te leh department frontline worker-te nen inkawmkhawmna hun an nei a. NEVolution hnuaia Planned Intervention buatsaih a nih theih nan mipuite ngaihdan te, duhthusam te leh harsatna te an zir chiang a. January ni 20 hian Mizoram aṭangin an let ang.