4445/2024-2025

26th February, 2025 : Vawiin February ni 26, 2025 (Nilaini) chawhnu dar 3 khan Zoram Medical College & Hospital (ZMCH), Falkawn chu NITI Aayog member Dr. Vinod K Paul;  Ms. Anna Roy, Principal Economic Advisor, NITI Aayog & Mission Director,  WEP; Mr. Surender Mehra, Adviser (GT&CC, DMEO&AIM), NITI Aayog and PD-Mizoram; Dr. Thyagaraju B M, Deputy Advisor – S&T Vertical; Dr. Priscilla C Ngaihte, Regional Lead, NE States – ADP/ABPVertical; Dr. Shobhit Kumar, Research Officer – Health Vertical; Ms. Shrestha Hazra, Consultant Grade-I – Health Vertical; Mr. Milap, YP – NITI Aayog ten an lo tlawh a. He NITI Aayog team-te hi Health Minister Pi Lalrinpuii hova lo hmuah an ni a. He hun ah hian Smt. Sherry Lalthangzo, Economic Adviser (E&M), NEC; Secretary, Health & Family Welfare Dept bakah Health department leh Planning department hotute an tel bawk a ni. 

Inhmuhkhawmna hun, Council Room, ZMCH-ah hman a ni a. He hunah hian Dr. John Zohmingthanga, Director, ZMCH chuan medical college chanchin, hmalakna leh mamawh hrang hrangte a tarlang a. Dr. Eric Zomawia, Mission Director, NHM chuan Mizoram health sector chungchang pawimawh hrang hrang te a tarlang bawk. Hemi zawh hian inkawm ho na hun hlawkthlak tak hman a ni. 

Inkawm ho naah hian Mizoram Infant Mortality Rate (3 per 1000 Livebirths) chu India rama hniam ber anih thu Dr. Vinod K Paul’an a sawi a. Hemi chungchanga H&FW Dept. hmalakna tha a tih thu a sawi. Natna chi hrang hrang TB, Malaria, Measles, Rubella leh Leprosy-te Mizoram atanga umbo turin Health Dept. hotute a fuih a. Primary Healthcare a ngaihpawimawh thu leh ti changtlung tura H&FW Dept. hmalaknaah a tul anga puih a inhuam thu a sawi a. Heng bakah hian Aizawl Civil Hospital Administrative Block leh laboratory Block leh Serchhip District Hospital sakna tur chu DoNER Ministry-ah dilpui a inhuam thu a sawi bawk. 

ZMCH a Post Graduate course tan tura hmalak mek chu theih tawp a bawhzui sak a tum thu a sawi a. Critical Care Block sak tan mek tihchangtlun chungchang te, Hospital leh Academic tichangtlung tura hmalak mek na te sawiho in theih tawp a hma lak pui a tum thu a tarlang bawk a ni.