Ministry of Rural Development NITI Ayoga Adviser Dr.Ashok Kumar Jain chuan vawiin khan Kolasib District chhunga RD hmalakna hrang hrang leh Swach Bharat hmalakna te a hmun ah kalin a endik.

Dr.Ashok Kumar Jain chuan kan palai zawhna chhangin RD hmalakna leh Swach Bharat hmalakna te chu hna diktaka thawh ani tih ka mit ngei in ka hmu a, l;awmmawm ka ti in hmachhawp an neih te pawh Central ah Priminister hova meeting ah sawipui a tum thu asawi bawk ani, Hetih lai hian Department te harsatna zawtin Department lam chuan Pawisa kalmuang chu an harsatna ber anih thu an sawi a, Swach Bharat bik ah tuna an hmachhawp Kolasib District tan Ek In hmantlak loh sak that ngai 1118 la awm chu hma lakna tur pawisa a awm ve leh Kum khat chhungin Hmalak zawh ani anga, Khawlai a Ek hmuh tur leh Ek In thianghlimlo Kolasib District ah hmuhtur a awm tawh loh tur thu an lo hrilh a, hei pawh hi Central ah chak taka hmalak anih theih na turin bawhzui a nih tur thu asawi a, IAY bikah Chhungkua 961 waiting list an la awm thu Advisore hi an lo hrilh bawk ani.

Ministry of Rural Development NITI Ayog Dr.Ashok Kumar Jain chuan vawiin khan Mualkhang a PMGSY hmanga KM 6.9 inkalpawhna kawng an siam te, IAY In sak te leh Swachh Bharat hmanga PHE Dept. ten Ek In an sak te, IWMP hmalakna te leh Bualpui Water Tank NREGS hmanga siam te, Thingdawl a IAY Hmanga Individual Water Tank chhungkaw 114 tan a siam te, Kolasib khaw chhung IWMP leh NREGS hmanga hnathawh te a hmun ah kalin a endik bawk ani.

Ministry of Rural Development NITI Ayog a Adviser Dr.Ashok Kumar Jain hi Rural Development Director V.Lalsangliana, Rural Develoopment Deputy Director Robert C.Lalhmangaiha bak ah Kolasib District atangin Department Official ten an tawiawm a ni.