Vawiin atang khan Agartala, Tripura ah NITI Forum for North East hmasa ber neih a ni a. Mizoram aiawh in Pu Lalsawta, Planning & Finance Minister leh Dr. C. Vanlalramsanga, Planning Secretary te an tel a ni.

NITI Forum for North East ah hian NITI Aayog Vice Chairman Dr Rajiv Kumar leh Minister of State for Ministry of DONER Dr Jitendhra Singh ten thu sawiin he forum in a tum ber chu North East States ten harsatna thuhmun an neih sutkian dan sawi ho tur leh mamawh intawm an neih te ruahman dan tur sawihona atana ruahman anih thu an tarlang.

Pu Lalsawta, Minister pawhin thu sawiin Mizoram mamawh leh NE anga thawhhona tur kawng hrang hrang a tarlang a. Connectivity tha (physical leh digital) neih hmasak a pawimawh thu leh infrastructure development ngaihpawimawh a tul thu uar takin a sawi a. Entrepreneurship Development pawimawh leh heti lama Mizoram Sawrkar hmalakna pawh tarlangin Magnetic Mizoram Investor Summit ni 20-21 April 2018 a Aizawl a neih turah kal theuh turin a sawm bawk.

Meeting ah hian NITI Aayog Vice Chairman, MInister of State, DONER, Chief Ministers of Tripura, Nagaland leh Meghalaya.  Planning Ministers of Arunachal Pradesh, Assam, Sikkim, Mizoram leh Manipur te, Chief Secretaries leh Planning Secretaries of North East States te, Central Ministry- a Secretaries te, Research Institutes Directors te, IIM leh IIT aiawh te leh Public Enterprises a senior officials te an kal tha hle a ni.