Tunhnaia chanchinbu thenkhatah 'Mizoram State Planning Board Secretary pakhat NLCPR sum dil a central Planning Commission dawr State Matching Share neih loh avanga kut benga a haw thu leh Manipur te pawhin cheng vaibelchhe 10 chuang tel an hum haw thu' chhuah a ni a. He mi chungchanga thudik tak mipuiin an hriat theihnan Mizoram Sawrkar chuan a hnuai a mi ang hian thu a tarlang.

Non Lapsable Central Pool of Resources (NLCPR) hi Ministry of Development of North Eastern Region (DoNER) enkawl a ni a. NLCPR chungchangah Planning Commission dawr a tul lova, dawr a ni ngai lo. NLCPR hi project base anih avangin Manipur in Rs. 10 crores hum haw anga tarlan pawh hi thu dik lo a ni a, State Sawrkar aiawh a Government of India dawr te NLCPR sum hum hawn tir anni ngailo. Sum hi NLCPR guidelines zulzuiin Government of India in State Sawrkarah a tahtawlin a chhunglut thin zawk a ni.

Tun hnai a Government of Mizoram anga NLCPR chungchanga Government of India dawrna awm chu Ministry of DoNER sawmna angin Planning Department hotuten ni 23.11.2014 a NLCPR Project review meeting leh ni 11.12.2014 ah NLCPR Committee awm tur atana inbuatsaihna meeting-ah an tel a. Mizoram Sawrkar aiawh a DoNER Ministry dawr tute hi an hlawhtling hle a, ni 15.12.2014 a NLCPR Committee chuan Mizoram retained projects atangin Rs 60 crores sanctioned turin a approved. Hei mai bakah hian Ministry of DoNER Minister an inthlak tak avangin Ministry in kumin Priority List atanga project engmah retain anih loh tur thu North East States Sawrkar te a lo hriattir tawh chu sutin, Priority List of Projects 2014-15 atang in project engmaw zat retained turin hma lak mek anih thu Ministry of DoNER hotute hnen atangin thu dawn a ni bawk.

Mizoramah NLCPR Projects 58 kalpui mek a ni a. Heng projects atana approved costs chu Rs 59096.30 Lakh a ni a. Approved costs atang hian Rs 33535.98 Lakh rawn release tawhin, Utilisation Certificate thehluh tawh chu Rs 20251.28 Lakh a ni. Heng projects kalpui mek atan hian NLCPR guidelines mil zelin sum pek mek zel a ni. State Matching Share chungchanga CAG report (Overview of NLCPR Default) chuan Mizoram chu matching share pe tha ber zingah a tarlang.

NLCPR projects te hi ram hmasawnna ruhrel dinna ber pakhat anih avangin Mizoram tan a pawimawh em em a. Mizoram Sawrkar in theihtawp chhuah in mipui tana tangkai tur leh ram tana hlawk tur thlir chungin theihtawp chhuahin hna a thawk mek a ni.