Pu P.C. Lalthanliana chuan ni 20.10.2011 khan NLUP hnuaia WRC leh Sugarcane thlangtute mi 58 hnenah 2nd Instalment Rs. 45,000 - Rs. 42,000/- te in Pangzawl ah semna hun a hmanpui a.

NLUP 2nd Installment semna hunah hian Pu P.C. Lalthanliana Minister chuan NLUP dawngtute chu an vawiin atan nilovin, an naktuk a tan a, NLUP chu dawng an ni tih hrereng tur leh a hmanna tur dik takah hmang a, sorkar duhdan anga hlawhtlinpui tum ngei turin a chah a. Department lam hotute pawh dik tak a, rorel ngam tur leh thil tha peih lo na na chu pek chhunzawm lo ngam turin a chah bawk.

NLUP dawngtute hian an lawmzia an hmel leh tawngkam in an sawi chhuak hial a ni. Sorkar chu NLUP avangin mi dangten bei bei mahse kut hnathawktu mirethei zawkte duhsak leh an tan a, khaw eng siam chu sorkar thil tum ber a ni tlat dawn a ni, Pu Lalthanliana chuan a ti bawk.

Hemi hnu ni 21.10.2011 hian Hnahthial constituency MLA Pu John Siamkunga leh MPCC General Secretary Pu Vanlalvena te nen Hnahthial Bazar Building ah NLUP chungchang leh sorkar hmalakna hrang hrang constituency khaw hrang hrang mipui kalkhawm hma ah a sawi a ni.