Vawiin chawhma dar 11 : 00AM khan Laila Hall, College Vaih, Siaha-ah N.L.U.P. a Vawkvulh thlangtu mi 381 hnenah N.L.U.P. 3rd leh 4th Phase-a 2nd Installment Rs.28,000/- theuh sem a ni. NLUP 3rd leh 4th Phase-a 1st installment-ah hian Rs.10,000/- theuh sem chhuah a lo ni tawh a ni. Vawiin a 2nd installment sem chhuah tak hi vawk in sak na tur a ni.

He N.L.U.P semna inkhawm hi Dr P.B. Chhetri, DVO, Siaha chuan a kaihruaia, Pu N.Zakhai, i/c Chief Executive Member, M.A.D.C., Siaha chu khuallian a ni. Thu sawiin Khuallian chuan N.L.U.P. Trade a vawkvulh thlangtute chu taimakna, tumruhna leh chhelna nen theihtawp chhuah a an trade thlan Vawkvulh chu tih hlawhtlin ngei tum turin a chah a.

NLUP 1st leh 2nd phase-a Vawkvulh thlangtute avangin Siaha khawpui pawh Vawksa-ah kan intodelh tawh hle a ni a ti a. Beneficiaries kalkhawm te chu theihtawp chhuaha tan la sauh sauh turin a chah hlawm a ni.

He N.L.U.P. (Piggery Trade) hi heng Siaha khawpui chhung veng hrang hrang College Vaih-I&II, New Colony-I,II,III&IV, Siaha Vaihpi-I,II&III, Thosaih, ECM Vaih, Council Vaih, Meisatla-I & II, Meisavaih-E&W, Siahatla-I,II&III leh New Siaha E&W-a mite hnenah sem a ni. Vawiin a N.L.U.P. Beneficiaries te hi 3rd Phase dawngtu mi 222 leh 4th Phase dawngtu mi 159 te an ni . N.L.U.P tanpuina sum te hi Khuallian Pu N.Zakhai, i/c CEM, MADC leh Pu N.Vabeiratlua, I&PRO, Siaha ten an sem a ni.