Vawiin chawhma khan Divisional Officer, Soil & water Conservation Department Office, Lunglei ah NLUP 3rd & 4th Phase Hmunphiah chin thlangtu chhungkua 259 te hnen ah Rs 45,45,000 Pu S.Laldingliana, Vice Chairman, High Powerd Committee, Lunglei in a sem.

Pu Dinga chuan thu sawi in vawiin hi mi rethei eizawnna nghelnghet neih tum te tan hun lawmawm tak ani tiin, mi rethei ngaihtuahtu Sawrkar kan nei hi kan vannei hle a, North east India ah hetiang Sawrkar mirethei hmangaihtu hi an awm lo tiin, tumruhna, taihmakna leh Pathian hriatna nen a he tanpuina hi dawng a; eizawnna nghelnghet nei tura tan la theuh turin kalkhawm te a chah bawk a ni. NLUP dawng tawh vanduai vang a puitlin lo te chu Sawrkar in NEDP ah cheng vaibelchhe 250 dah atangin chhawmdawl an nih tur thu a sawi bawk. NLUP atang hian dingchhuak tam tak in leh lo, motor thleng nei an awm a, rinawmna nen a NLUP in hman chuan in dingchhuak thei ani a ti. Sawrkar in a tih tur a ti a, beneficiaries te tih tur chu tih hlawhtlin a ni a ti. Chhungkua nuamsa tak a an khawsak theih hi Sawrkar hian a duh ber a ni a ti bawk.

NLUP semna hun hi Pu Barminghama, Divisional Officer, Soil & Water Conservation Deptt in a kaihruai a ni.