Vawiin chawhnu dar 12:30Pm khan DIC Training Hall, Council Vaih-ah  District Industries Centre, Siaha hnuaia NLUP 4Th Phase dawngtute hnen ah Final Instalment sem a ni, he NLUP semna hun hi Pu. Lalrokhawma, General Manager,DIC, Siaha chuan a kaihruaia Pu. N. Zakhai, CEM, MADC chu khuallian niin he hun hi a hmanpui bawk.

He NLUP tanpuina semna ah hian khuallian chuan thusawiin vawiin a DIC hnuaia NLUP 4Th Phase Final Instalment sem thei tur a awm chu lawmawm a tih thu sawiin kan sawrkar chaktak in hetianga Mizoram mipui te tana thilpek hlutak leh lawmawm tak dawng thei tur a sawrkar lam kan hotute duhsakna in NLUP dawng thei tur a an thlang che u hi a lawm awm a, mahse an thlan chhan che u leh sawrkar in a tum ang tak a he NLUP tanpuina sum hi a hman na tur diktak a hmang  theuh tur a duh thu leh kan sum dawn te chu a lohthlawna luanral tir mai mai lo a kan chhungkua kan lo din chhuah theih nan leh Mizoram hmel ti mawi tu kan nih theuh theih nan tangkai tak in i hmang ang u tiin a sawm hlawm a ni.

Vawiin NLUP semna hunah hian Pu. C. Ngurchhunga, IPO chuan Technical Report pe in DIC, Siaha hnuaia NLUP tanpuina dawngtu zawng zawng chu mi 83 ni a, vawiin a NLUP tanpuina an pek te hi an Bank Account ah theuh dahsak niin a vaia an pek chhuah chu Rs. 2,46,4000/- a ni a ti bawk.

Vawiin NLUP semna ah hian Pu. Lalrinawma, IPO chuan lawmthu sawina hun a hman bakah Head of Department te leh Chanchinbumite bakah NLUP tanpuina dawngtute an tel kim hle a ni.