Vawiin chawhma dar 11:00Am khan I&PR Conference Hall, Siaha-ah AH&Vety Department hnuaia NLUP-a Ar Vulh thlangtute hnenah tanpuina sem a ni.
He NLUP semna inkhawm hi Pu PB. Chhetri, DVO, Siaha District chuan a kaihruai a, Pu RT. Zachono, CEM, MADC chu khuallian a ni. Thu sawiin khuallian chuan Ar vulh tanpuina 3rd & 4th Phase 2nd Installment sem theih a nih chu lawmawm a tih thu sawiin Evi leh Adama te Pathianin a siam khan Pathian in ram a siam sa kha hmang tangkaiin an hlawhtlinna atan Pathianin rem a ruatsak a ni ati a, an tha leh an ngaihtuahna-ah Pathianin hna a thawk thin a ni ati bawk. Thawk peih apiang an dingchhuak thin a ni tiin NLUP hlawhtling tura pawimawh ber chu ngaihtuahna, thawhrimna leh taimakna a ni ati a, kan din khawchhuah theihna tura thil pawimawh ber chu kan ngaihtuahna hi a ni a Pathianin thluak min pek hi kan hman tangkai a ngai-a, Sawrkar in NLUP hmanga pawisa min pek hi tangkai taka hmanga dinchhuahpui tum theuh turin NLUP dawngtu te chu a chah a ni.
Vawiin hian Siaha khawpui chhung leh Riasika tlangdung a awm mi 164 hnenah NLUP 3rd & 4th Phase 2nd Installment Cheng 20,000/- theuh Ar In sakna tur sem a ni.
