Nimin (Ni4.7.2016) khan Mamit District Bawrhsap Pi Lalbiaksangi hovin a Office Chamber ah November thla a sipai lak runpui neih na tura inbuatsaihna atana district administration leh 4th IR Bn tangkawp buatsaih Army Special Pre-recruitment Training neih dan tur sawiho a ni.

Army Special Pre-recruitment Training hi July 19 atangin July 23 thleng neihpui an ni dawn a, July 19 zing dar 10 ah Mamit District chhunga mi 26 sipai intlar tur te chu special training 4th IR Bn badminton hall ah Mamit DC in a hawng ang.

Sipai a tan tum te hi 4th IR trainers ten a tul angin zirtirna an lo pek thin dawn bakah an chhun thinpui in man senso an tum sak bawk dawn a, november thla sipai lak runpui neihna tura tling ngei tura tihtak zeta training bei tur leh kim taka in lan tura beisei an ni bawk. Special Training a tel tur te hi an document pawimawh turte endik sak an ni tawh a. He special training an neih chhunga an hmasawn dan an chhuah dawn ah en leh vek an ni ang.

Sipai a intlar turte inbuatsaihna tur hian september thla ah 181 Bn BSF te chuan thil tul pawimawh hrang hrang zirtirna an nei leh dawn a ni. Heng sipai a in tlar tumte tan hian september chawlh kar hmasa ber atangin D.C Office ah online hmangin registration tih theih a ni ang.