Loneitute chhanchhuahna tura Mizoram Sorkar flagship programme NLUP enkawltute tana Training - Capacity Building programme, ni 4 chhung neih chu vawiin khan a kharna inkhawm I&PR Auditorium ah neih a ni.
Kharna Inkhawm kaihruaitu SIRD Director Pu R.Lalramnghaka chuan NLUP hlawhtlinna tura Capacity Building Programme buatsaih a ni chu lawmawm tiin Mizoram district hrang hrang atanga line department officer lo tel te hnenah lawmthu a sawi a. Training neih that tawk loh avanga mipui chawikan nana Sorkar hmalakna hrang hrangte chu a nih tur anga a hlawhtlin loh thin thu sawiin, NLUP hmang chuan thingtlang mi rethei leh loneitu harsa tak ten beiseina thar, dinchhuahna thar an neih phah dawn a ni a ti a, NLUP chuan mipui hmasawnna tura department hrang hrangin a hranga hma an lakna te chu suihkhawmin tanrualna tha tak a hring chhuak mek a ni, a ti bawk.
Khuallian Pu H.Liansailova, NLUP Nodal Minister chuan tunlai khawvela ram tin ngaihpawimawh chu eizawnna ngelnghet siam leh ei leh bara intodelh a nih thu sawiin NLUP chuan heng hi a huam tel vek thu a tarlang a. Mizoram siamtharna tur NLUP hlawhtlin nan chuan tih tak zetna a ngai a ni tiin a thawktu te chu Pathian rawngbawlnaa ngaia theihtawpa hma la chho turin a fuih bawk. Thingtlang lo neih hmun chu kum tina a tlak hniam zel thu sawiin ei leh bara intodelh tur hma lak chak loh chuan hma lam hun a thim dawn thu te a sawilang bawk a. Kan mamawh buh ngaihtuah chuan kan tharchhuah a la tlem em em a ni tiin kumin buh thar tam kuma Sorkarin a puang chu kan tih makmawh, hemi kawnga tan lak a tulzia hriaa kan tan lak nan a nih thu a sawifiah bawk. Buh thar tlem tlema a lo pun chhoh chuan pawnlam atanga buhfai lei nana sum sen tam tak a tlakhniam phah ang a, lo neih pawh a manhla sawt dawn bawk a ni a ti. NLUP chu a ruangam leh policy ah a sang hle a, a sitawm lo a ni tiin a thawktu te chuan tih tak zetna nena an thawh phawt chuan a zatve aia tamin kan hlawhtlinpui ngei ka ring a ni, tiin Minister chuan harsatna an lo tawk a nih pawhin tlanchhe mai lova sut tlang dan kawng thahnemngai taka ngaihtuah chhuah tum zel turin a chah bawk. Tuna kan lo neih dan hmang chu a chhiain eizawnna vanduai ah kan ngai a, NLUP chuan zau taka hma la-in ram sum leh pai, ei leh bar dinhmun a thlak danglam dawn a, chhungkaw tin zahawmna a din thar leh dawn a ni, a ti bawk.
Dr K.Haloi, Course Coordinator pawhin training chhunga thupui hrang hrang an zirho te a tarlang a, thingtlang khaw tin huama an dinhmun leh mamawhna zawna ruahmanna siam dan te, district planning huapzo ruahman dan te, mipui tel ve theihna kawng siam te, Project siam dan leh enkawl dan te leh thupui pawimawh leh tul hrang hrang an zir ho te a sawifiah bawk.
NLUP Implementing Board Vice Chairman Pu P.L.Thanga chuan Capacity Building programme buatsaih senso chu NEC tum a nih thu sawiin chu chuan NLUP chu Sorkar Laipuiin min tuipuizia tilangtu a nih thu te a sawifiah bawk. Training-a zirtirtu National Institute of Rural Development (NIRD), North Eastern Regional Centre, Guwahati te chungah lawmthu sawiin centrala Ministry of Rural Development chu NLUP kalphung rawn endik thin tura Central Sorkar ruat a nih thu te a sawifiah bawk.
NLUP enkawltu te tana Capacity Building training programme hmang tur hian Mizoram district hrang hrang atangin line department officer 70 vek an lo tel thei a ni.
Khuallian Pu H.Liansailova, NLUP Nodal Minister chuan tunlai khawvela ram tin ngaihpawimawh chu eizawnna ngelnghet siam leh ei leh bara intodelh a nih thu sawiin NLUP chuan heng hi a huam tel vek thu a tarlang a. Mizoram siamtharna tur NLUP hlawhtlin nan chuan tih tak zetna a ngai a ni tiin a thawktu te chu Pathian rawngbawlnaa ngaia theihtawpa hma la chho turin a fuih bawk. Thingtlang lo neih hmun chu kum tina a tlak hniam zel thu sawiin ei leh bara intodelh tur hma lak chak loh chuan hma lam hun a thim dawn thu te a sawilang bawk a. Kan mamawh buh ngaihtuah chuan kan tharchhuah a la tlem em em a ni tiin kumin buh thar tam kuma Sorkarin a puang chu kan tih makmawh, hemi kawnga tan lak a tulzia hriaa kan tan lak nan a nih thu a sawifiah bawk. Buh thar tlem tlema a lo pun chhoh chuan pawnlam atanga buhfai lei nana sum sen tam tak a tlakhniam phah ang a, lo neih pawh a manhla sawt dawn bawk a ni a ti. NLUP chu a ruangam leh policy ah a sang hle a, a sitawm lo a ni tiin a thawktu te chuan tih tak zetna nena an thawh phawt chuan a zatve aia tamin kan hlawhtlinpui ngei ka ring a ni, tiin Minister chuan harsatna an lo tawk a nih pawhin tlanchhe mai lova sut tlang dan kawng thahnemngai taka ngaihtuah chhuah tum zel turin a chah bawk. Tuna kan lo neih dan hmang chu a chhiain eizawnna vanduai ah kan ngai a, NLUP chuan zau taka hma la-in ram sum leh pai, ei leh bar dinhmun a thlak danglam dawn a, chhungkaw tin zahawmna a din thar leh dawn a ni, a ti bawk.
Dr K.Haloi, Course Coordinator pawhin training chhunga thupui hrang hrang an zirho te a tarlang a, thingtlang khaw tin huama an dinhmun leh mamawhna zawna ruahmanna siam dan te, district planning huapzo ruahman dan te, mipui tel ve theihna kawng siam te, Project siam dan leh enkawl dan te leh thupui pawimawh leh tul hrang hrang an zir ho te a sawifiah bawk.
NLUP Implementing Board Vice Chairman Pu P.L.Thanga chuan Capacity Building programme buatsaih senso chu NEC tum a nih thu sawiin chu chuan NLUP chu Sorkar Laipuiin min tuipuizia tilangtu a nih thu te a sawifiah bawk. Training-a zirtirtu National Institute of Rural Development (NIRD), North Eastern Regional Centre, Guwahati te chungah lawmthu sawiin centrala Ministry of Rural Development chu NLUP kalphung rawn endik thin tura Central Sorkar ruat a nih thu te a sawifiah bawk.
NLUP enkawltu te tana Capacity Building training programme hmang tur hian Mizoram district hrang hrang atangin line department officer 70 vek an lo tel thei a ni.
Attachment
- Loading attachment...
