Vawiin chawhnu khan Mizoram University Registrar charge chu Registar kal chhuak mek Pu Benjamina IDAS chuan Prof. Thangchungnunga a hlan a. Pu Benjamina hian MZU Registrar hna hi December ni 22, 2005 ah zawm in March ni 31, 2011 thleng a thawk a ni.

rof. Thangchungnunga hi Economics Department ah Professor Senior  tak a ni a. Kum 1978 khan Aizawl College a Lecturer hna zawmin kum 1984 khan Mizoram Campus NEHU a zawm leh a. Tunah hian Economics Department ah Professor hna a chelh mek a ni.

Vawiin ni vek  khan Pu Benjamina chuan IIMC Aizawl Centre,  Mizoram University Campus  ram chhunga din tura MOU ziah fel tak chu IIMC aiawh Pu Lalruatliana Sailo Special Officer IIMC Aizawl Centre chu a hlan a ni.

Pu Bejamina chuan kum 10 chhunga infrastructural development chak taka kalpui a ni leh Academic Department te tih zau a ni chu hmasawnna pawimawh a ni tiin pawn lam miten Mizoram University chu ram pum huapa University thang chak leh hmasawnna awm te zinga an ngaih leh an pawm thu amah an lo hrilh thin thu a sawi bawk a. Registrar hian South East Asia a ram - Myanmar, Bangladesh leh Thailand a University te nena thawh ho dan kawng dap a tul thu a sawi a ni.