Sawrkar chuan NLUP hnuaiah bul tanna tur sum leh tul dangte dawng awm nia a hriatte hnenah a pe mek zel a. Nimin maiah pawh AH & Vety Department hnuaiah Kolasib-ah Bawng chi tha vairam atanga chah chhuah mi 35 te hnenah pek an ni a, a hma lawkin mi 27 hnenah pek alo ni tawh bawk a ni.

Heng bul tanna tura pek chhuah tehi a nihna tur anga hmang lo leh mahni thil dawn tawh mi dangte hnena hralh chhawng an awm a nih chuan Sawrkar chuan Dan angin an chungah Action a la dawn a. An intiamkamna anga rinawm taka an thawk lo a nih chuan an thil dawn chhuhsak emaw, an phu anga hremna pek a tul dawn a ni. Department lamte chuan an thawh dan hi uluk takin an thlithlai zui bawk ang.