Malsawmkima, Kolasib Hmar Veng chu NLUP Bawng a dawn alo ser tir avangin bawng man leh senso dangte rul vek tura hriattir anih hnuah Mizoram Police te chuan man-in non-bailable in jail ah khung nghal a ni.

Aizawl District, Muthi khuaah pawh bawng tihral tum ni awm a report dawn anih avangin Pu J. Hmingthanmawia, Addl. DC, NLUP Implementing Board hotu Pu Zorammuana, Secretary leh Chief Media Officer, Pu David L. Thangliana te chuan nimin (sunday) chhun dar 1:00 khan Muthi khua an tlawh nghal.

Muthi khua a NLUP bawng dawngtu 16 te hi Dr. Hmarkunga, DVO, AH & Vety leh a hote chuan an kokhawm vek a, NLUP hotute nen inhmu khawmin report dawn chungchang hi sawiho a ni.

VCP Muthi leh VLMC Chairman te chuan NLUP tanpuina a bawng dawngtute chuan tihral tumna an neilova, an lawm em em a, theih tawp chhuaha chhungkaw dinchhuah nana hman ngei an tum zawk tih an report a ni.

NLUP hotute chuan, sorkar ngaih pawimawh em em NLUP tanpuina dawngtute chuan tanpuina an dawn tawh chuan tih hlawhtlin nan theih tawp an chhuah chu an mawhphurhna anih ve tawh thu sawiin, hmang dik lo leh ti tha duh lote chu endik an ni anga, intiamkama an lo ziah tawh ang ngeiin hrem ngaite chu hrem an ni dawn tih an hrilh a ni.