National Institute of Rural Development, North Eastern Regional Centre, Guwahati, NEC, SIRD leh NLUP Implementing Board te tangkawpa buatsaih ni 4 awh tur Capacity Building for NLUP Functionaries chu vawiin chawhma dar 10 khan I&PR Conference Hall ah tan a ni a. He training ah hian NLUP enkawltu line department - Agriculture, Horticulture, Sericulture, A.H.& Vety., Industries, Fisheries, Soil & Water Conservation leh Environment & Forests department-a district tina officer te an kal khawm a ni.
Hawnna thu sawiin NLUP Implementing Board Vice Chairman Pu P.L.Thanga, IAS(Retd) chuan training programme NIRD-in an rawn buatsaihsak thei chu lawmthu a sawi a, Central Sorkar sensova training buatsaih a ni chu sorkar laipui hotuten NLUP an ngaihpawimawhzia tarlangtu a ni tiin training tul dangte pawh la buatsaih chhoh zel tura ruahman a nih thu a tarlang bawk. NLUP chu India ram pumpui tana Model Project tha tak a nih theih ngei a beisei thu a sawi bawk.
Dr. Binay Singh, Director, NIRD pawhin thu sawiin Mizoram chuan NLUP hmanga agriculture leh a kaihhnawih lam thilah hma nasa taka a sawn theih tur thu a sawi a, hetianga hmasawnna awmze nei taka kalpui tur hian thiamna thar zir belh zel a tul thu te a sawifiah bawk.
Training Programme ah hian NLUP awmze nei leh hlawhtling taka kalpui a nih theih nana pawimawh leh tul hrang hrangte zirho a ni dawn a, Village development plan te, Integrated District Planning te, District Planning, Project siam dan leh enkawl dan te, convergence buatsaih dan te, market intelligence leh Micro financing chungchangte mithiam ten sawifiahin zirho a ni dawn a ni.
Dr. Binay Singh, Director, NIRD pawhin thu sawiin Mizoram chuan NLUP hmanga agriculture leh a kaihhnawih lam thilah hma nasa taka a sawn theih tur thu a sawi a, hetianga hmasawnna awmze nei taka kalpui tur hian thiamna thar zir belh zel a tul thu te a sawifiah bawk.
Training Programme ah hian NLUP awmze nei leh hlawhtling taka kalpui a nih theih nana pawimawh leh tul hrang hrangte zirho a ni dawn a, Village development plan te, Integrated District Planning te, District Planning, Project siam dan leh enkawl dan te, convergence buatsaih dan te, market intelligence leh Micro financing chungchangte mithiam ten sawifiahin zirho a ni dawn a ni.
