Ni 26.3.2011 khan Pu Nihar Kanti Chakma MOS, Pu.S.Laldingliana Parliamentary Secretary, Pu Kali Kumar Tongchongya CEM, CADC leh Medical Team Lunglei te chuan March ni 20 hmalam a mi 5 thihdan inang a thi te awmna hmun Thanzamasora chu a hmun ah an tlawh.
Thanzamasora hi motor in a tlawhpawh thei lova, Lalnutui (Chawngte kawng) atang in km 8 a hla a awm a ni a, Tun hnai a mi 5 thihna hi an natna a in ang vek a an khua a sik a an lu a na a thi in an luak deuh vek a, an thih hian an taksa ah dum thluah thluah a awm vek niin an sawi. He thihna avang hian an khaw mipuite chuan dawi hnathawh a nih an ring a, khua ah pawh awm ngam lovin ramhnuai ah te an riak bo thin a ni.
Thanzamasora ah hian Pu M.Lalbanglova VCP Lungrang kaihhruaiin inkhawm tawite neih a ni a, Pu Nihar Kanti Chakma chuan thu sawiin hman ah kan pi leh pu te chuan dawi hi an ring thin a, mahse tunlai khawvel changkang (Computer age) ah chuan hetiang rinna hi rintlak a ni tawh lova, kan dam loh in bawlpu te rawn lovin mithiam zawk doctor te rawn tur in a chah a ni. He thihna hi dawi hnathawh a nih a ring lova, chuvang in thlamuang tak in khua chhuahsan a ramhnuai a riak te pawh mahni in a haw theuh tur in a duh a, Lungrual tak leh inngeih tak a awm tur in a duhthu a sawi bawk. Sawrkar in a tul ang ang in tanpui a in peih reng a ni, khua a motor a luh theih nan PMGSY kaltlang in kawngpui survey neih a ni tawh a, Pu Nihar-a chuan mitthi chhungte ral nan Rs. 2,000 theuh a pe a, chubak ah buhfai 5qntl silpoulin bundle -1, dal kg. 25 dekchi 1 leh ketli 1 a pe bawk a ni.
He hun ah hian Pu Dinga pawh in thu sawiin Pathian hun ruat ah chuan kan thi dawn a, tuna thihna te hi dawi hnathawh ni lovin natna a ni, mithiam doctor ten in natna leh harsatna te an en dawn a, in tan thlamuanna ni thei se ka duh a ni a ti, mi mangang te tanpui hi Pathian rawngbawlna ropui ber pakhat a nih thu a sawi bawk. Pu Dinga chuan Thanzamasora khua tan Health Sub-Centre pek tur an nih thu a sawi a, khua mipui te an lawm hle a ni.
Pu.Kali Kumar Tongtongya CEM, CADC chuan khua te a lum tawh a natna chi hrang hrang lak a kan inven theih nan tui thianghlim in leh a vel tihfai a pawimawh a ni a ti. He thihna te hi dawi hnathawh a nih a rin loh thu a sawi a hlau lovin mahni in a kir leh theuh tur in a chah a ni. CEM hian kar 2 ration lakna tur Rs. 20,000 a pe a ni.
Lunglei a tang in Medical Team Dr. Rothangpuia Pathologist, Dr. Lalhmachhuana Medical Officer leh staff dang te kal in, Dr Rothangpuia chuan hetiang natna ang chi a damlo Chawngte 'C' Civil Hospital admit enfiahna ah chuan malaria a ni ngei a ni tih finfiah a ni a ti. Medical Team te hian damlo 40 vel an en a, damdawi a thlawn in an pe bawk a ni.
He khua mite hian dawi hnathawh a nih an rin a vang in mahni in ah pawh awm ngam lovin chaw te pawh an eipuar ngam lova, zan ah pawh an chhuak ngam lo a ni. He khua tlawhtu Pu Nihara,Pu S.Dingaleh PuKali Kumar te thlamuanna avang leh Doctor ten natna an hrilhfiah avang in zanriah khawtlang in puar tak in an ei ngam phah in, zan ah pawh an lenchhuah ngam tur thu an sawi.
Thanzamasora ah hian Pu M.Lalbanglova VCP Lungrang kaihhruaiin inkhawm tawite neih a ni a, Pu Nihar Kanti Chakma chuan thu sawiin hman ah kan pi leh pu te chuan dawi hi an ring thin a, mahse tunlai khawvel changkang (Computer age) ah chuan hetiang rinna hi rintlak a ni tawh lova, kan dam loh in bawlpu te rawn lovin mithiam zawk doctor te rawn tur in a chah a ni. He thihna hi dawi hnathawh a nih a ring lova, chuvang in thlamuang tak in khua chhuahsan a ramhnuai a riak te pawh mahni in a haw theuh tur in a duh a, Lungrual tak leh inngeih tak a awm tur in a duhthu a sawi bawk. Sawrkar in a tul ang ang in tanpui a in peih reng a ni, khua a motor a luh theih nan PMGSY kaltlang in kawngpui survey neih a ni tawh a, Pu Nihar-a chuan mitthi chhungte ral nan Rs. 2,000 theuh a pe a, chubak ah buhfai 5qntl silpoulin bundle -1, dal kg. 25 dekchi 1 leh ketli 1 a pe bawk a ni.
He hun ah hian Pu Dinga pawh in thu sawiin Pathian hun ruat ah chuan kan thi dawn a, tuna thihna te hi dawi hnathawh ni lovin natna a ni, mithiam doctor ten in natna leh harsatna te an en dawn a, in tan thlamuanna ni thei se ka duh a ni a ti, mi mangang te tanpui hi Pathian rawngbawlna ropui ber pakhat a nih thu a sawi bawk. Pu Dinga chuan Thanzamasora khua tan Health Sub-Centre pek tur an nih thu a sawi a, khua mipui te an lawm hle a ni.
Pu.Kali Kumar Tongtongya CEM, CADC chuan khua te a lum tawh a natna chi hrang hrang lak a kan inven theih nan tui thianghlim in leh a vel tihfai a pawimawh a ni a ti. He thihna te hi dawi hnathawh a nih a rin loh thu a sawi a hlau lovin mahni in a kir leh theuh tur in a chah a ni. CEM hian kar 2 ration lakna tur Rs. 20,000 a pe a ni.
Lunglei a tang in Medical Team Dr. Rothangpuia Pathologist, Dr. Lalhmachhuana Medical Officer leh staff dang te kal in, Dr Rothangpuia chuan hetiang natna ang chi a damlo Chawngte 'C' Civil Hospital admit enfiahna ah chuan malaria a ni ngei a ni tih finfiah a ni a ti. Medical Team te hian damlo 40 vel an en a, damdawi a thlawn in an pe bawk a ni.
He khua mite hian dawi hnathawh a nih an rin a vang in mahni in ah pawh awm ngam lovin chaw te pawh an eipuar ngam lova, zan ah pawh an chhuak ngam lo a ni. He khua tlawhtu Pu Nihara,Pu S.Dingaleh PuKali Kumar te thlamuanna avang leh Doctor ten natna an hrilhfiah avang in zanriah khawtlang in puar tak in an ei ngam phah in, zan ah pawh an lenchhuah ngam tur thu an sawi.
Attachment
- Loading attachment...
