Vawiin chawhma dar 11 : 00Am khan District Industries Centres, Council Veng Saiha ah ‘NLUP Essay Competition lawmman semna leh NLUP tanpuina sem ani’ He Programme hi Dr Chawngkhuma Chawngthu, President, Chhimtuipui Accademy of Letters chuan a kaihruaia Pu PS. Mothy, Asst. Secretary, Chhimtuipui Accademy of Letters chuan Report a pe a.

Pi Marilyn Rualzakhumthangi, SDO ( S ) & Nodal Officer, NLUP chuan thusawiin NLUP Essay Competition neih theih ani chu lawmawm atih thu a sawi a, hemi kawnga hmalatute chungah lawmthu a sawi bawk,Saiha khawpui chhunga chengte faina lamah theih tawpa tanla turin a sawm ani. NLUP kalpui dan phungah Line Department hrang hrangte an pawimawh ani tiin kan phak tawk leh theih tawk a hlawhtlin tuma hmala turin Benificiaries te chu a sawm ani. Kan District in zirtur tamtak kan nei ani tiin hlawhtlinna hi thawhrimna ah a in nghat a, vanneihna rigawt ani lo ati bawk. Pu Lalhmunsiama, General Manager, District Industries Centre, Saiha pawhin thusawiin NLUP hi Mizoram Sawrkar Flagship Programme a nih ang in Mizoram mipui mirethei leh harsa zawk ten dinhmun tha leh leirem an lo rah ve theih na tura a duan ang in NLUP dawngtu zawng zawngte chu a hlawhtlinna an kohvah a in nghat lian hle ani ati bawk.

Pu KH. Beithie, IPO, DIC Saiha chuan NLUP Trade hrang hrang thlangtute chu diktak leh fel taka an pawisa dawnte an hman theih nan pawisa an hman dantur te a hrihfiah hnuin NLUP Essay Competition a lawmmante Nodal Officer, NLUP leh Pu Lalhmunsiama, G.M, DIC ten semna an nei a, lawmman pakhatna Mariapo College Vaih, pahnihna V. Lalsangpuii Siahatla-II leh pathumna J. Lalrinawma New Colony-I ten an dawn bakah Consolation Prizes mi engemaw zat hnenah pek an ni bawk. Pu Chhawnmanga, Chhimtuipui Accademy of Letters chuan lawmthu sawina neiin he Programme hi tihtawp a ni.

Attachment

  • Loading attachment...