NLUP hnuaia hmalakna te leh beneficiary entawn tlak te chanchin mipui in an hriatzau zel theih dan tur nimin tlai khan Pi Lalbiaksangi, Mamit Bawrhsap hovin DC Conference Hall-ah sawiho a ni a. NLUP bakah ram hmasawnna tura hmalakna te pawh mipuiin a chinchang an hriat zel theih nana phochhuah dan tur te sawiho a ni.

Pu David L.Thangliana, Chief Media Officer NLUP chuan Mizoram sawrkar programme "Hmasawnna lamtluang" DDK a zirtawp zan dar 7-8 atanga chhuah anih tawh thu sawiin,he hunah hian sorkar hnuaia hmasawnna hna thawh mek te leh NLUP hnuaia hmalakna te tarlan a nih thin thu a sawi a.

He programme hi hlawhtling taka a kal zel theih nan thawhho puiah kalkhawm te a sawm a ni. He hunah hian Mamit District a NLUP Line Department hotute telin beneficiary ti tha an neih dan an tarlang.