Road Safety Week vawi 27-na ( February ni 8 leh ni 15 inkar) lo awm tur Kolasib ah a hman dan chungchang relin vawiin khan Kolasib DC Pu H. Lalengmawia, IAS leh District Road Safety Committee Chairman ni bawk hovin DC Conference Hall ah meeting neih a ni a. Meeting ah hian he Week hman dan tur zau tak leh chipchhiar taka sawi anih hnuin ruahmanna te siam a ni nghal a.  Week hawnna hi February ni 8 zing dar 7 ah Diakkawn ah neih a ni anga, a kharna hi February ni 15 ah Diakkawn YMA Hall ah neih a ni thung ang. A kharna ni vekah hian motor khalhtu, a bik takin passenger leh bungrua phur thin te tan training buatsaih a ni dawn a. Training ah hian Motor Vehicles Rules chungchang te, Traffic Rules chungchangte leh COTPA dan chungchangah te zirtirna pek tum a ni. A kharna programme ah hian Driver tha thlanchhuahte citation pek a ni bawk ang.