Vawiin chawhnu dar 1 khan NLUP Conference Hall-ah NLUP hnuaia thingpui chinna kalpui dan rel ho a ni a, hei hi Pu P.L. Thanga, Vice Chairman, NLUP Implementing Board chuan kaihruaiin, NLUP Marketing Cell, Horticulture Department leh Industries Department hotute an tel.

Meeting hian thingpui chin (tea plantation) chu uar zawk leh changkang zawk a kalpui ni se, tuna chinna hmunpui Ngopa, Darzo leh Biate chhehvelah cluster 3 in then nise tih an rel a ni.

Thingpui chi tha ngei chin anih theih nan Horticulture Department hotute chu hma la turin beisei an ni a, tun tuma NLUP Beneficiaries te bakah NLUP hmasa a hmalakna lo nei tawh te pawh, changkang zawk a tan an lak theih nan, NLUP Convergence hnuai atangin puih an tul na ah puih nise tih an rel bawk.

Hemi chungchang hma la tur hian a hmunah NLUP Marketing Cell member te Horticulture hotute leh Industries hotute kal thuai turin rem an ruat bawk.