NLUP hnuaia hmunphiah chingtute tharchhuah buaipui dan tur leh hralhchhuah dan turte ngaihtuahin vawiin chawhnu dar 2 khan NLUP Nodal Minister Pu H. Liansailova hovin ama office chamber-ah an thukhawm a. Ruahmanna fel tak Marketing Cell lamin lo duang sela, Apex Board-ah thlen nise an ti.
Mizoram pumah NLUP hnuaia hmunphiah chin thlangtu chhungkua 3874 an awm a, heng atang hian quintal 20, 000 an thar chhuah theih beisei a ni a, Environment & Forests Department mal hmalakna hnuaiah 9000 quintals leh mimal eizawn nana hmang mekte atangin 5000 quintals vel tharchhuah beisei a ni bawk a, a zavai chuan 34,000 quintals lai hmunphiah hi tharchhuah beisei a ni. Vawiin meeting ah hian hmunphiah tharchhuahte dahkhawmna tur kudam sak dan turte an rel tel bawk.
Vawiin meeting ah hian NLUP Marketing Cell hotute bakah a kaihhnawih department Soil & Water Conservation, Environment & Forests, Industries leh Rural Development Department officer te an tel a ni.
