Vawiin chawhma dar 11:00 khan Pu P.L. Thanga, Vice Chairman, NLUP Implementing Board hovin District hrang hranga DRDA Project Director te leh NLUP Line Department Nodal Officer te chuan kum 2012-2013 chhunga NLUP hnuaia Infrastructure atana convergence chungchang a hmalak dan tur an sawiho.

District hrang hrang a PD te chuan kum 2011-2012 chhunga NLUP Convergence hmanga Link Road Godown, BNRGSK Building etc. a hma an lak dan chipchiar takin an report a. NLUP Convergence hmang hian khaw tam tak ah hmalakna nasa tak hmuh theih a a awm thu an sawi a, khaw tam takin tangkai takin hmasawnna ruhrel an neih phah thu an sawi.

Hemi hnu chawhnu dar 1:00 khan RKVY Fund hman dan tur chungchang NLUP Line Department Nodal Officer te nen sawiho nghal a ni a. NLUP avanga Agriculture and Allied Department hnuaia sum dah vanga RKVY sum kum 2011-2012 a Mizoram in vaibelchhe 30.36 lai a hmuh phah hnuah, kum 2012-2013 chhunga hman tura vaibelchhe 148.55 lai Central-in a rawn pek tak avangin a lawmawm hle tih sawilan a ni. A hman dan tur pawh uluk taka sawiho nghal niin NLUP Line Department Nodal Officer te chuan a rang lama an Department mamawh dungzuia sum hman dan tur siam fel nghal tura rel a ni. RKVY sum hi mipui hnena a tam thei ang ber thleng tura ruahman ni se tih an rel.