NLUP hnuaia din ‘Committee for Review of Interest Free Loan’ chu vawiin khan an chairman Chief Secretary, Pi L. Tochhong hovin Chief Secretary Conference Room-ah an thukhawm.

He thutkhawmnaah hian NLUP hnuaia pung awm lova loan pek te an hnathawh dan thlir ho niin, loan dawngtute dinhmun leh hmalak zel dan tur sawiho a ni.

Horticulture Department hnuaiah chuan district tin a mi pakhat hnenah Medium Size Multi Crop Nursery siam nan pek chhuah niin, mi pakhat hnenah installment-in Rs. 12.50 lacs pek a ni a. Loan dawngtute nursery siam hi a hmun a endik niin, serthlum leh kuhva budding leh seedling an kui te tha tawk a ngaih a ni a, a ti tha ber hian tun kumah Rs.46.36 lacs man vel thar chhuak thei tura chhut a ni. Loan dawngtute hian harsatna an tawh kara thahnem ngai taka an thawh avanga hlawhtlinna nei an nih thu tarlan a ni bawk.

AH & Vety Department hnuaiah loan  mi 17 hnenah Rs.10 lacs theuhin pek a ni a, an zingah hian mi 16 in vawkvulh nan hmangin mi pakhatin ar vulh nan a hmang thung a. Loan hi thlatina rulh tura tih a ni a, mahse PRSS hri avanga vawk te an thih nual vangin a tam zawk hian an rul thei rih lo a ni.

He thutkhawmnaah hian AH&Vety Department hnuaia vawk vulh thlangtute harsatna tawh chhawmdawl dan tur ngaihtuah ni se tih a ni a. Vawk lei tur awm loh avanga harsatna sutkian dan tur ngaihtuah thuai nise tih a ni bawk. Hetih rual hian loan rul tha duhlo leh hma la thalo te chungah dan anga hmalak ni se tih a ni.

He thutkhawmnaah hian Vice Chairman & CEO, NIB, Law and Judicial Department aiawh, Finance Department aiawh, Planning & Programme Implementation Department aiawh, Horticulture Department leh AH&Vety Department aiawh te bakah NIB Officers te an tel a ni.

Attachment

  • Loading attachment...