Mizoram Excise & Narcotics Department (END), Anti-Narcotics Squad-te chuan 1st June, 2014 (Pathianni) zing dar 7:00 khan Thuampui Veng-ah Heroin hawng 4 (gram 63) an man.

Excise & Narcotics Department, Anti-Narcotics Squad-te hian Heroin neitu Lalrengthangi (45) d/o Hrangthanpianga, tuna Thuampui Venga khawsa mek chu an man tel nghal. Heroin te hi sahbawn bawm 4-ah dah a ni a. Tiau atanga Maxi Cab-a rawn lak thlak niin a neitu in atang hian an man a ni.

Heroin neitu, Lalrengthangi hi Section 21(b) of the Narcotics Drugs & Psychotropic Substances Act, 1985 (NDPS Act) hmangin thubuai siamsak a ni a, Central Jail-ah dah nghal a ni.