Vawiin chawhma dar 11:00 khan Soil & Water Conservation, Aizawl District leh Rubber Board, Govt. of India tangkawp chuan Soil & Water Conservation Conference Hall ah NLUP hnuaia Rubber chingtute tan training an buatsaih a. Hetah hian Aizawl District hnuaia Rubber chingtu mi 80 chuang an kalkhawm. Training hi Rubber Board a mithiam ten an pe a, sawihona leh zawhna leh chhanna hunte hman a ni.

Tun dinhmunah hian Soil & Water Conservation Department, Aizawl District hnuaiah NLUP dawngtu chhungkaw 1401 (Rubber chingtu chhungkaw 64, hmuhphiah chingtu 1331 leh Coffee chingtu chhungkaw 6) an awm a ni. Training hi Pu K. Kapthuama, District Officer, Soil & Water Conservation Aizawl District in a kaihruai a. Dr. Jerome Rokima, Director, Soil & Water Conservation chu khuallian niin training a hawng a. Pu Laltuma Chhakchhuak, ASCO in lawmthu sawina hun a hmang a, Rubber Board mithiam ten training an pe a.

Training pe tur hian : P.A. Paul, Development Officer, Silchar; T.S. Unnikrishnan, Development Officer, Silchar leh J. Sonowal, Field Oficer, Kolasib te an lokal a ni.