Vawiin khan Kolasib District Hospital OPD ah World Population Day hman a ni a, Dy. Commissioner Pi Niharika Rai, IAS chuan hei hi Ribbon chepchata a hawn hnuah damlote a thlawna inentirna neih zui a ni. Health Mela ah hian natna chi hrang hrangte chu Doctor thiam ten an en a, mi 155 he hunah hian en an ni a. Tun dinhmuna Kolasib Civil Hospital a Doctor awm Surgery, Medicine, Gynaecology, Eye leh Ayush Doctor ten an en a ni. Health Clinic tan hmaa sawizauna hun tawite, DMS Conference Hall-a buatsaihah Dr. Hlimpuia, Sr. Medical Officer chuan World Population Day chungchanga sawrkar laipui duhdan sawiin hei hian thupui, “Small family, All round Development” tih chu mitin tena kan zawm turin a duang chhuak a. Chumiin a tum ber chu mahni sum lakluh mila fa enkawl a, an hriselna leh zirna te uluk zawka kan kalpui theih nana tih a ni, a ti a. Mamawh tawk anga Nu in fa a hrin theih nan chhang tihkhatna Oral Pill te, dah chi te Health Centre leh Sub-Centre tinah a thlawnin lak theih a ni, a ti. World Population Day hi Kolasib District chhunga hman vawikhatna a ni a. July 24 thleng neih tur a ni dawn a. Hemi chhung hian nitin darkar li chhung mipui tan inentirna Health Mela neih thin a nih dawn bakah a remchan dan angin khaw hrang hrangah Mobile Medical Unit ten Health Clinic an buatsaih thin ang a. Mihring pung chak lutuk venna lama sawrkar laipui duh dan leh programme te puanzar thin a ni dawn a ni.