Vawiin ni 26 November, 2014 khan Sericulture Directorate Conference Hall, Aizawl-ah Dr. B.D. Chakma, Sericulture Minister in NLUP Phase II 4th Instalment, Aizawl District hnuaia Beneficiaries mi 107 te hnenah NLUP a sem a ni.

Thusawiin Minister chuan Sawrkar Flagship Programme NLUP hi sawrkar policy anih angin sum semte hi tangkai taka hmanga hlawhtlinpui ngei turin a chah a, krismas duhzawng lei nan a hmang mai mai lo tur leh a nihna tur ang taka hmang turin a chah a ni. NLUP Flagship Programme aia tha mi retheite dinchhuahna tur project hi khawvel hmun dangah pawh an nei bik lo a ni tiin eizawnna ngelnghet dinchhuahna atana an sum dawn te hmang tangkai ngei turin a chah bawk.

NLUP sum hi chhungkaw tinah Rs. 18,020/- zela sem niin sum sem zawng zawng hi Rs. 19,28,140/- a ni.

Inkhawm hi Pu K.C. Lalpianthanga, District Sericulture Officer-in kaihruaiin Director pawhin thuchah tawi a sawi bawk.

He tanpuina sem inkhawm neih rual hian Sericulture mithiam ten beneficiaries te hnenah Technical Training an pe nghal bawk a ni.