Vawiin khan AH&Vety Farm Complex, Lunglei-ah NLUP Trade-a Vawk vulh thlangtute hnenah vawk note 4 leh Ar vulh thlangtute hnenah ar note 50 theuh sem a ni a. He NLUP Phase-II, 2nd Installment semna hi Dr.Vanlalbuanga, DVO Lunglei-in a kaihruai a; Dr.Daniel Chianghnuna, Jt. Director, AH&Vety (Southern Zone) bakah AH&Vety Directorate, Aizawl atanga lo kal Jt. Director ve ve Dr.Saingura Sailo leh Dr.Rokhawla ten tanpuina hi an sem a ni.

Beneficiaries-te fuihna thu sawiin AH&Vety hotute chuan sorkar-in mirethei ten leiram an rah ve theih nan NLUP a sem a, chuvangin tanpuina dawngtute chuan eizawnna tlakin an thawk tur a ni a. Sorkarin ti tha leh ti tha lote a enfiahin, dawng zel tlak tur an nih leh nih loh pawh finfiah zel a ni ang, an ti.

Vawiina NLUP Phase-II hnuaia Vawk leh Ar Vulhtute hnenah tanpuina sem dan chu hetiang hi a ni :

1. Piggery Trade : Lunglei Town-a beneficiaries 375-te hnenah Vawk pa vulh thau tur mi pakhatah 4 (pali) theuh pein, a zavaiin Vawk note/Vawkte 1500 sem a ni.

2. Poultry Trade : Beneficiary tinte Ar note 150 theuh dawng tura ruahman a ni a, tum thum semah hman tur a ni a. Vawiin khan a tum khatna atan Ar note 50 zelin beneficiary tinte hnenah semin Ar note 13650 chu benefiaries 273 hnenah sem a ni. Lunglei Town bakah West Tuipui leh Thorang Cluster-te hnenah sem a ni nghal bawk.