Vawiin chawhnu dar 4 khan NLUP Implementing Board Vice Chairman Pu PL. Thanga, IAS(Rtd) kaihhruaina in Sawrkar Official te leh Shimla Hills Offerings Pvt Ltd(SHOP Ltd) hotute I&PR Conference Hall ah inkawmna an nei.

SHOP Ltd te aiawh Pu Harish Gupta leh Pu Simon Holland te chuan Mizoram in sapthei, lakhuihthei leh serthlum  a thar chhuah ang ang chu a lei theih thu Mizoram sawrkar aiawh te an hrilh a. Ni 20.11.2009 khan MIFCO  nen thawh hona thuthlung an lo siam tawh bakah MIFCO khawl cheithatna tur sum cheng nuai 20  thawh tawh in MIFCO sapthei tui cheng nuai 10 man an leisak tawh thu an sawi. NLUP beneficiary te thlai thar chhuah te pawh a thawnchhuahna ah leh sum a chan tir na kawng ah puitu nih an in huam thu an sawi.Pu PL Thanga pawh in  SHOP Ltd hotute chu Mizoram loneitute tan inghahna thama  hmalakna lianthiam nei ngei turin a sawm nghal.

Vawiin meeting ah hian Pu Lalrinawma, IRS, Commissioner/Secretary, Industry Department, Pu Lalthansanga, Finance Commissioner, Pu Lalram Thanga, IFS, Secretary to Chief Minister, Wg.Cdr.Lalnghinglova, Chairman, NLUP Marketing Cell leh Official then khat te an tel.